+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Румынияда Алтын Орданың 750 жылдығын атап өтеді – СІМ

2019 жылғы 19 желтоқсан 13:36
Бөлісіңіз:
Румынияда Алтын Орданың 750 жылдығын атап өтеді – СІМ

НҰР-СҰЛТАН. ҚазАқпарат – Румынияда 50 мыңнан астам татар диаспорасы тұрады. Бұл туралы Қазақстан Республикасының Румыниядағы Елшісі Нұрбах Рүстемов айтты, деп хабарлайды ҚазАқпарат тілшісі.

«Румынияға барған кезде мен үшін тың жаңалық ашылды: ресми ақпарат бойынша ол жақта 50 мыңнан астам татар диаспорасы тұрады екен, ал бейресми ақпарат бойынша олардың саны одан да көп. Олар ата-бабалары Румынияға 1230 жылдары, Бату ханның тұсында барғандарын айтады. Өздерінің атаулары ескі бірнеше ауылдары бар», - дейді Нұрбах Рүстемов СІМ-де өткен брифингте.

Оның айтуынша, татар диаспорасының тілі мен қазақ тілінде айтарлықтай айырмашылық жоқ.

«Олар «Қалдарыңыз қалай?» деген сұраққа «ару» деп жауап береді, яғни «ару» деген сөз «жақсы» деген мағына береді екен. Түрік телеарналарын көретіндіктен, тілдері түрік тіліне бейімделіп кеткен. Олардың бірі өзін «ноғаймыз» десе, енді бірі «жоңғар татарымыз», енді бірі «түрік татарымыз» дейді. Ауылдары да осыған байланысты шоғырланған», - дейді ол.

Сондай-ақ, елші Қазақстан мен Румыния арасындағы дипломатиялық қарым-қатынас 27 жыл бұрын орнағаны туралы айтты.

«Дипломатиялық қатынас негізінде екі ел арасында саяси, экономикалық және мәдени-гуманитарлық саланың іргетасы қаланды. Келесі жылы мемлекеттің білім академиясымен келісіп, сол жақта Алтын Орданың 750 жылдығын атап өтеміз», - дейді Нұрбах Рүстемов.

Біздің каналымызға жазылыңыз:

Бөлісіңіз:

Автор:

Зарина Қаһарман

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT