Румынияда 150-ден астам мұғалім ереуілге шықты

АСТАНА. ҚазАқпарат – Румынияда мұғалімдер үш күннен бері ереуілдетіп жатыр. Педагогтер жалақыны көтеруді талап етуде. Қазіргі таңда румыниялық мұғалімнің жалақысы шамамен 480 евро. Бұл елдегі орташа жалақыдан екі есе кем, деп хабарлайды ҚазАқпарат Euronews агенттігіне сілтеме жасап.

Көшеге 150-ден астам адам шықты. Олардың 70-і педагогтардың көмекшісі, тағы бірқатары сабақ өткізбейтін мектеп жұмыскерлері.

Жергілікті кәсіподақтар жұмысты енді бастаған мұғалімнің жалақысының көлемі кемінде елдегі орташа жалақының деңгейінде болу қажеттігін талап етіп отыр. Бұл жағдай педагог мамандардың жұмысы мемлекет үшін маңызды екендігінің көрсеткіші болмақ. Олар сондай-ақ айлық жалақының жыл сайын инфляцияға байланысты индексацияланып отырғанын қалайды.

Қазір румыниялық мұғалім шамамен 480 евро алады. Бұл елдегі орташа жалақыдан екі есес төмен.