Рудныйда ойын клубы карантинге қарамастан жұмыс істеп тұрған

РУДНЫЙ. ҚазАқпарат – Рудный қаласының полицейлері карантин шараларын сақтамаған ойын клубын анықтады, деп хабарлайды ҚазАқпарат облыстық полиция департаментінің баспаөз қызметіне сілтеме жасап.

Ұқсас жаңалықтар

Қостанай облысында кітапханалар мен музейлердің қызметіне рұқсат берілді

СҚО-да мектептер 1 наурыздан бастап аралас сабақ беру режиміне көшуі мүмкін Нұр-Сұлтандағы карантин: Жаңа қаулы жарияланды Ақмола облысында карантин талаптарын бұзғандарға 26,7 миллион теңге айыппұл салынды

Рудный қаласы полиция басқармасы жергілікті полиция қызметі мәлім еткендей, Иван Франко көшесінде орналасқан «LOTO клаб» ойын клубы карантин басталғалы үздіксіз жұмыс істеп тұрған.

Белгіленген қатаң карантин шараларын бұзған клуб жабылып қалуы да мүмкін.

Карантин кезінде компьютерлік және ойын клубтарының жұмысына тыйым салынғанына қарамастан, мекеме өз қызметін жүзеге асырды.

«Полиция кіріп келген кезде ойын залында 10-нан астам адам болған. Тәртіп сақшылары жинаған материалдар ары қарай шешім қабылдау үшін Рудный қаласы Тауарлар мен қызметтердің сапасы мен қауіпсіздігін бақылау басқармасына жолданды», делінген ведомство хабарламасында.

Естеріңізге сала кетейік, Қостанай облысында карантин кезінде қоғамдық тамақтану нысандарының, ойын және компьютер салондарының жұмысына сағат 20:00-ден кейін тыйым салынған.