+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

Рудныйда бокс мектебі салынады

2019 жылғы 13 ақпан 15:58
Бөлісіңіз:
Рудныйда бокс мектебі салынады

ҚОСТАНАЙ. ҚазАқпарат - Рудный қаласында жаңа бокс мектебі салынуы мүмкін. Бұл туралы бүгін қала әкімі Бақытжан Ғаязов есеп беру жиынында айтты, деп хабарлайды ҚазАқпарат тілшісі.

Рудный қаласында бокс спортын дамыту үшін кешенді шаралар қолға алынбақ. Қала әкімі Бақытжан Ғаязовтің сөзінше, жергілікті атқарушы билік бұл сұрақты күн тәртібінен түсірген емес. Осыған дейін халық игілігіне жұмыс істеп келген бокс мектебі ескірген. Сондай-ақ, ол банкке кепілге қойылған әрі күрделі жөндеуді қажет етеді.

«Рудныйдағы бокс спортының тарихын ел біледі. Соның жемісі, Олимпиада ойындарының жүлдегері Иван Дычко да біздің мақтанышымыз. Одан басқа да ел чемпионатында жақсы нәтиже көрсетіп жүрген спортшылар жеткілікті. Сондықтан бұл спорт түрін дамыту үшін кешенді шараларды жалғастырамыз. Қазіргі уақытта бізде В.Шаер атындағы бокс мектебі бар. Дегенмен, ол банк кепілдігінде тұр. Оны қайтарып алу үшін 27,5 млн теңге қажет», - дейді Бақытжан Ғаязов.

Рудный басшысы айтқандай, қалада жаңа спорт мектебі бой көтереді. Нысанның жобалық-сметалық құжаттарына 40 млн теңге қарастырылды. Жоспар бойынша, жаңа спорт мектебінде екі үлкен ринг болады. Жобалық-сметалық құжаттар дайын болса, жыл аяғына дейін мектептің құрылысы басталады.

Біздің каналымызға жазылыңыз:

Басты сөздер: Қостанай облысы, Спорт,
Бөлісіңіз:

Автор:

Қасқырбай Қойшыманов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT