Рудный қаласында мектеп-лицей карантинге жабылды

ҚОСТАНАЙ.ҚазАқпарат – Рудный қаласы №4 мектеп-лицейінің оқушылары мен педагогтер құрамы үй карантиніне алынды, деп хабарлайды ҚазАқпарат.

Ақпаратты Облыстық тауарлар мен қызметтердің сапасы мен қауіпсіздігін бақылау департаментінің баспасөз қызметі растады. Білім беру мекемесінің бір қызметкерінен коронавирус анықталған. Осыған байланысты оқушылар мен мұғалімдер 16-23 қазан аралығында үй карантиніне жіберілді.

«Қазіргі уақытта оқушылар мен педагогтер арасында ауру дерегі тіркелген жоқ. Аурудың алдын алу мақсатында балалар мен қызметкерлер үй карантиніне жіберілді», - делінген ведомство хабарламасында.