Роман Скляр Түрікменстан Президентімен келіссөз жүргізді
2022 жылғы 12 ақпан 18:24

Роман Скляр Түрікменстан Президентімен келіссөз жүргізді

НҰР-СҰЛТАН. ҚазАқпарат - 12 ақпанда Премьер-Министрдің бірінші орынбасары Роман Скляр Ашхабадқа жұмыс сапарымен барып, Түрікменстан Президенті Гурбангулы Бердімұхамедовпен келіссөз жүргізді. Бұл туралы primeminister.kz/kz сайты хабарлады.

2022 жылғы Түрікменстан басшысымен кездесу барысында екі ел арасындағы сауда-экономикалық, энергетика, ауыл шаруашылығы және мәдени-гуманитарлық салаларындағы ынтымақтастықтың өзекті мәселелері талқыланды.

Қазақстан Республикасының Президенті Қасым-Жомарт Тоқаевтың 2021 жылғы 24-25 қазандағы Түрікменстанға мемлекеттік сапары барысында қол жеткізілген уағдаластықтарды іске асыруға ерекше назар аударылды.
Сонымен қатар сапар барысында Роман Скляр Түрікменстан Министрлер кабинеті төрағасының орынбасарлары Сердар Бердімұхамедов, Шахым Абдрахманов және Чары Гылыджовпен жеке келіссөздер жүргізді, сондай-ақ экономикалық ынтымақтастықты одан әрі тереңдету бойынша практикалық шаралар жан-жақты қарастырылды.

Jańalyqtar

Үрдіс

MURAǴAT