Ролан Гаррос турнирінде қазақстандықтар жарыс жолынан шығып қалды

АСТАНА. ҚазАқпарат – Қазақстандықтар Анна Данилина мен Александр Недовесов Ролан Гаррос турнирінде жарыс жолынан шығып қалды, деп хабарлайды ҚазАқпарат тілшісі.

Қазақстанның жұптық сындағы бірінші, әлемнің 25-ракеткасы А.Данилина мажарстандық Тимея Бабошпен бірге екінші айналымда тайбэйліктер Латиша Чань — Хао-Чин Чаньмен кездесті.

Қазақстандық-мажарстандық жұп бір сағат жарымнан астам уақытқа созылған матчта 6:7 (3:7), 3:6 есебімен жеңіліс тапты.

А.Недовесов мексикалық Мигель Анхель Рейес-Вареламен бірге ширек финалға шыға алмады. Олар үшінші айналымда доданың 1-ракеткалары, нидерландылық Уэсли Колхоф – ұлыбританиялық Нил Скупскиге жол берді – 5:7, 4:6. Бұл бәсеке сағат жарымға жуық уақытқа созылды.

Осылайша, Франция ашық чемпионатында Қазақстаннан ешкім қалмады.

Еске сала кетейік, бұдан бұрын Ролан Гарроста Қазақстан теннисші қыздары үздік үштікке енгенін жазған едік.

Юлия Путинцева Ролан Гаррос турнирінде АҚШ чемпионына жол берді.

Теннисші Бейбіт Жұқаев АҚШ-тағы жарыстың жартылай финалына өтті.

Елена Рыбакина Ролан Гаррос матчына неге шықпағанын түсіндірді.