Ролан Гаррос турнирінде қазақстандық теннисшілер алғашқы кездесулерін өткізеді
Қазақстанның ерлер арасындағы бірінші, әлемнің 42-ракеткасы Александр Бублик бірінші айналымда дүниежүзілік рейтингте 68-орында тұрған франциялық Артур Риндеркнехпен шеберлік байқасады.
Қазақстанның әйелдер арасында бірінші, әлемнің 16-ракеткасы Елена Рыбакина рейтингте 78-сатыдағы нидерландылық Аранча Руспен ойнайды.
Тағы бір қазақстандық, әлемнің 37-ракеткасы Юлия Путинцеваға кезек ертең келеді. Ол рейтингте 112-орындағы румыниялық Ирина Барамен кездеседі.
Франция ашық чемпионатында жұптық сындағы теннисшілерге де жеребе тартылды.
Александр Недовесов пәкстандық Айсам Курешимен бірге америкалықтар Маккензи Макдональд - Томми Пол, Александр Бублик аустралиялық Танаси Коккинакиспен бірге америкалық Натаниэль Ламмонс - поляк Камиль Майхшакпен, Андрей Голубев франциялық Фабрис Мартенмен бірге аргентиналық Себастьян Баэс - бразилиялық Фелипе Мелигени Алвеспен күш сынасады.
Юлия Путинцева америкалық Даниэль Коллинзбен бірге румыниялық Моника Никулеску - бельгиялық Алисон Ван Эйтванкты, Елена Рыбакина ресейлік Людмила Самсоновамен бірге америкалықтар Кори Гауфф - Джессика Пегуланы, Анна Данилина бразилиялық Беатрис Хаддад Майямен бірге жапониялықтар Эри Ходзуми - Макото Ниномияны сынап көреді.
Еске сала кетейік, бұдан бұрын қазақстандық жас теннисшілердің Бішкектегі турнирде үздік шыққанын жазған болатынбыз.