10:30, 23 Тамыз 2016 | GMT +6
Риодағы Паралимпиадада қазақстандықтар спорттың бес түрінен сайысқа түседі
АСТАНА. ҚазАқпарат - 5-19 қыркүйек күндері Рио-де-Жанейрода XV жазғы Паралимпиада ойындары өтеді, оған Қазақстан құрамасы қатысады.
Лондонда өткен ойындарда Қазақстаннан 7 атлет-паралимпиадашы қатысты. Биыл еліміздің намысын 10 спортшы қорғайды.
Пауэрлифтинг бойынша Гүлбану Әбдіхалықова, Вадим Дукарт, Раушан Қойшыбаева, жүзу бойынша төрт спортшы - Әнуар Ахметов, Роман Агалаков, Зүлфия Ғабидуллина, Наталья Звягинцева, дзюдодан - Әнуар Сариев, жеңіл атлетикадан - Аманат Қалқаев, садақ атудан - Александр Медведевтер қатысады.