Ринат Мұхаметқалиев Қостанай облысы әкімінің орынбасары болып тағайындалды

ҚОСТАНАЙ. ҚазАқпарат - Қостанай облысының әкімі Құмар Ақсақаловтың өкімімен Ринат Мұхаметқалиев өңір әкімінің орынбасары болып тағайындалды, деп хабарлайды ҚазАқпарат тілшісі.

Ринат Зәкиұлы бұған дейін Қазақстан Республикасы Президенті Әкімшілігі Басшысы Хатшылығының меңгерушісі қызметін атқарған.

Енді ол Қостанай облысы әкімінің орынбасары лауазымында әлеуметтік саладағы барлық мәселелерге жетекшілік етеді.

Еске сала кетейік, бұған дейін Қостанай облыстық білім басқармасының басшысы тағайындалғанын жазып едік.

Фото: top-news.kz