Риддерде үш көлік соқтығысып, 48 жастағы әйел зардап шекті
2021 жылғы 8 қазан 23:26

Риддерде үш көлік соқтығысып, 48 жастағы әйел зардап шекті

РИДДЕР. ҚазАқпарат – Шығыс Қазақстан облысы Риддер қаласында үш көлік соқтығысып, 48 жастағы әйел зардап шекті, деп хабарлайды ҚазАқпарат тілшісі.

ШҚО Полиция департаменті баспасөз қызметінің мәліметіне сүйенсек, жол-көлік оқиғасы 8 қазанда болды. Subaru автокөлігінің 22 жастағы жүргізушісі метеорологиялық жағдайды ескермей, жылдамдықты рұқсат етілген шектен асырып жіберген. Соның салдарынан тайғанап кеткен көлік қарсы бағытқа шығып, тура сол маркалы көлікке және ВАЗ-ға соқтығысты.

«Осылайша, 3 көлік жол апатына түскен. «ВАЗ» автокөлігінің 48 жастағы жолаушысы дене жарақатын алды. Қазіргі уақытта ол Риддер қалалық ауруханасына жеткізілген», - деп хабарлады ведомство өкілдері.

Аталған факті бойынша сот-медициналық сараптама тағайындалды. Соның барысында жәбірленушінің денсаулығына қандай зиян келтірілгені анықталмақ.


Ұқсас жаңалықтар

Jańalyqtar

MURAǴAT