Риддерде Орталық Азиядағы ең ірі тау шаңғысы курорты ашылмақ

None
ӨСКЕМЕН. ҚазАқпарат – Шығыс Қазақстан облысы Риддер қаласында Орталық Азиядағы ең ірі тау шаңғысы курорты ашылады. Бұл жайлы ШҚО Өңірлік коммуникациялар қызметінде өткен баспасөз мәслихаты барысында қала әкімі Дмитрий Горьковой мәлім етті, деп хабарлайды ҚазАқпарат тілшісі.

«Кәсіпқой спортшылар мен туристер үшін тау шаңғысы курорты ашылады. Жаңа кешен Анатау тауының төменгі бөлігінде орналаспақ. Келесі жылы жобалық-сметалық құжаттаманы әзірлеуді бастаймыз», - деді ол.

Бұл Орталық Азиядағы ең ірі тау шаңғысы курорты болады деп күтілуде. Онда аспалы жолдар, қонақүй кешені болады. 4-ші буын шаңғы курорттарына қойылатын SKI-IN SKI-AUT талабы толықтай орындалады.

«Таңдалған жер Риддер қаласындағы теміржолдан 4 шақырымнан аспайтын қашықтықта, теңіз деңгейінен 850 метр биіктікте орналасқан. Кешен тек қыста емес, жыл бойы жұмыс істейді. Жазда жаяу және ат спорты туризмін, тау велосипедін, парапланеризмді дамыту көзделуде», - деді Дмитрий Горьковой.


Соңғы жаңалықтар