Риддер қаласында құбыр жарылып, каналдағы су деңгейі көтерілді

РИДДЕР. ҚазАқпарат - Шығыс Қазақстан облысының Риддер қаласында деривациялық құбыр жарылды, деп хабарлайды ҚазАқпарат Төтенше жағдайлар комитетінің баспасөз қызметіне сілтеме жасап.

Ұқсас жаңалықтар

Қытайда жер астында қалып қойған кенші екі аптадан соң құтқарылды

Елордада бойжеткен үшін жанжалдасқан жігіттер қарудан оқ атқан Қызылордада көліктері қар құрсауында қалған алты аңшы құтқарылды Ақтауда жаяу жүргіншіні көлік қағып кетті

6 желтоқсан сағат 10:38-де Риддер қаласында «ГЭС ЛК» ЖШС құбыры жарылды.

«Серіктестіктің деривациялық құбырының жарылуына байланысты Тихая өзеніне құятын ұзындығы 5 шақырымдық өндірістік каналға су жіберілді. Құбырдың жарылу салдарынан каналдағы су деңгейі шамамен 1 метрге көтерілді. «ГЭС ЛК» ЖШС және Риддер қаласының төтенше жағдайлар басқармасы қызметкерлері арнаның төменгі нүктелерінде бақылау бекеттеріне бөлініп, жағдайды қадағалап отыр» делінген хабарламада.

Төтенше жағдайлар комитеті баспасөз қызметінің мәліметінше, гидроэлектр стансаларының қызметкерлері апатты жою және суды Гоматуха өзеніне қайта бөлу жұмысын жүргізіп жатыр.

Қазіргі уақытта су деңгейі төмендеп келеді. Жақын орналасқан жеке тұрғын үйлерді су басу қаупі жоқ. Риддер қаласында су, жылу және электр энергиясы әдеттегі режимде берілуде.