Режеп Тайып Ердоған Түркияда жер сілкінісіне байланысты жалпыұлттық аза тұту жариялады

None
АНКАРА. ҚазАқпарат - Түркия Президенті Режеп Тайып Ердоған елдің оңтүстік-шығысында болған жойқын жер сілкінісіне байланысты жеті күндік ұлттық аза тұту жариялады. Мемлекет басшысының тиісті жарлығын дүйсенбіде оның баспасөз қызметі таратты, деп хабарлайды ҚазАқпарат ТАСС-қа сілтеме жасап.

«2023 жылдың 6 ақпанында елімізде болған жер сілкінісіне байланысты жеті күндік ұлттық аза тұту жарияланды. Біздің туларымыз 12 ақпанда күн батқанға дейін елімізде және шет мемлекеттердегі өкілдіктерімізде жартылай көтеріліп тұратын болады», - делінген құжатта.


Соңғы жаңалықтар