Қолданушы баптаулары
Қолданушы баптаулары
+7 (701) 759 90 19 Лента
USD 371.56 EUR 422.43
RUB 5.56 CNY 53.51
Jańalyqtar

Республика сарайы маңын абаттандыру жұмысы 10 қазанда аяқталады

2011 жылғы 29 қыркүйек 11:35 5
Бөлісіңіз:
Республика сарайы маңын абаттандыру  жұмысы 10 қазанда аяқталады

АЛМАТЫ. 29 қыркүйек. ҚазАқпарат /Ерлік Ержанұлы/ - Алматыдағы 1970 жылы салынған  Республика сарайындағы қайта жөндеу жұмыстары кестеге сай жүріп жатыр.

 Бұл жайлы кеше қала әкімі Ахметжан Есімовтің  құрылыс жұмыстарының барысымен танысуы кезінде айтылды.   Шаһар басшысының баспасөз қызметінің хабарлауынша, А. Смағұлұлы  мердігерлерден тендерлік міндеттемелерді мүлтіксіз орындауды талап етіп, барлық жұмыстар дер кезінде әрі сапалы атқарылуы тиіс екендігін ескерткен.

Әйгілі мәдениет нысанының  қазіргі таңда қабырғалары мен  іргетасының сейсмикалық беріктігі нығайтылып,  ғимараттың ішкі құрылысы жүргізілуде. Қабырғаларды, баспалдақтарды граниттеу, қабырғалар мен төбелерді декоративті әрлеу, орындықтарды монтаждау жұмысы да талапқа сай жүруде, Нысанның айналасын абаттандыру жұмысы 10 қазанда аяқталады. Бүгінгі таңда  қоршауларды, атриумдарды, металл конструкциялары мен жарық көздерін монтаждау жұмыстары жүріп жатыр. Көрермен залындағы жұмыстар 25 қарашада, ал сахнаның жоғары механикасы 28 қарашада аяқталып, пайдалануға берілмек.

 В.Лениннің 100 жылдығы  қарсаңында ашылған  Республика сарайына кеңестік компартия көсемінің  есімі берілді. Ал оның   сәулетшілері - В. Алле, В.  Ким, Ю.  Ратушный, Н.  Рипинский, А.  Соколов, Л.  Ухоботов және тағы басқалары  1971 жылы  КСРО Мемлекеттік сыйлығын иеленді. 40 жыл бойы бірде-бір рет күрделі жөндеу жұмысы жүргізілмеген бұл нысан республикадағы ең үлкен сарай болатын. 3 мың көрерменге арналған мәдениет нысанында ең ірі республикалық конгрестер, конференциялар, салтанат кештері мен концерттер  өтетін. Енді Тәуелсіздік мерекесі кезінде ол өз жұмысын қайта жалғастыратын болады.

Біздің каналымызға жазылыңыз:

Басты сөздер:
Бөлісіңіз:
Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
MURAǴAT