ФУТБОЛДАН ӘЛЕМ ЧЕМПИОНАТЫ-2022

Республика күніне орай қазақстандықтар 3 күн қатарынан демалады

2022 жылғы 28 қыркүйек, 13:08
Республика күніне орай қазақстандықтар 3 күн қатарынан демалады

АСТАНА. ҚазАқпарат – Қазан айында Республика күніне байланысты қазақстандықтар 23-25 қазан күндері демалады, деп хабарлайды ҚазАқпарат тілшісі.

Бұл туралы құжат «Ашық» НҚА сайтына шықты.

«Биыл «Қазақстан Республикасындағы мерекелер туралы» ҚР Заңына 25 қазанды – ұлттық мейрам Республика күні ретінде енгізу жоспарланған. Ол биыл сейсенбі күнге түсіп тұр. Осыған орай, мереке күндерінде жұмыс уақытын тиімді пайдалану мақсатында қаулыға өзгеріс енгізу ұсынылды. Онда демалыс күнін 22 қазан сенбіден 24 қазан дүйсенбіге ауыстыру жоспарлануда», - делінген құжатта.

Сонымен, қаулы жобасына сәйкес, қазақстандықтар қазанның 23-25 күндері демалады.

Еске салсақ, осы айдың басында Республика күні күнтізбеге қызыл дата болып енгізілетіні айтылды.

Ал 22 қыркүйекте Парламент Сенатының жалпы отырысында 25 қазанды Республика күні ұлттық мейрам ретінде белгілейтін заң қабылданған болатын.


Серіктестер жаңалықтары

Jańalyqtar