Ресейлік журналист Муратовтың Нобель медалі аукционда рекордтық бағада сатылды

None
None
МӘСКЕУ. ТАСС - ҚазАқпарат - Нобель сыйлығының лауреаты, ресейлік «Новая газета» басылымының бас редакторы Дмитрий Муратовтың медалі Heritage аукционында 103,5 миллион долларға сатылды. Аукцион Манхэттендегі New York Times медиа орталығындағы аукцион үйінің сайтында өтті, деп хабарлайды ҚазАқпарат ТАСС сілтеме жасап.

Аукцион басталмас бұрын Дмитрий Муратовқа өз марапатын сатуға дайынсыз ба деген сұрақ қойылды, ол «иә» деп жауап берді.

Ставкалар 700 мың доллардан басталды, бірақ бірнеше минут ішінде медалға ұсыныс бірнеше миллион доллардан асты. 16,6 миллион доллар сомасынан кейін телефон арқылы белгісіз сатып алушы 103,5 миллион долларға ставка жасады, оны ешкім тоқтата алмады. Барлық қаражат ЮНИСЕФ халықаралық қорына аударылады.

Соңғы баға аукциондарда өткізілген Нобель медалінің бұған дейінгі рекордынан 20 есе асып түсті - 2014 жылы Christie's аукционында ДНҚ молекуласының құрылымын ашқан америкалық биолог Джеймс Уотсонның наградасы 4,76 миллион долларға бағаланған еді.

Еске салсақ, 2021 жылғы Бейбітшілік саласындағы Нобель сыйлығын журналистер - «Новая Газета» ресейлік басылымының бас редакторы Дмитрий Муратов пен филиппиндік Rappler басылымының негізін қалаушы Мария Ресса «демократия мен бейбітшілік орнату үшін басты шарт болып табылатын өзін-өзі көрсете алу мүмкіндігі мен сөз бостандығын қорғауға» қосқан үлесі үшін алды.



Соңғы жаңалықтар