Қолданушы баптаулары
Қолданушы баптаулары
+7 (701) 759 90 19 Лента
USD 371.56 EUR 422.43
RUB 5.56 CNY 53.51
Jańalyqtar

Ресейлік компания Қазақстанға озық қолжетімді технологияларды енгізуге көмектеспек

2018 жылғы 6 желтоқсан 17:10 48
Бөлісіңіз:
Ресейлік компания Қазақстанға озық қолжетімді технологияларды енгізуге көмектеспек

АСТАНА. ҚазАқпарат - Ресейлік компания Қазақстанға озық қолжетімді технологияларды енгізуге көмектесуге дайын. Бұл туралы бүгін Ресейдің «Экологиялық және өнеркәсіптік саясат» ғылыми-зерттеу институты директорының орынбасары Владимир Марьев айтты, деп хабарлайды ҚазАқпарат тілшісі.

Ұқсас жаңалықтар
Жайық суы тұрғындар үшін қауіпсіз - облыстық қоғамдық денсаулық сақтау департаменті Қазақстанның 8 қаласында ауа сапасы нашарлайды

«Қазақстанның озық қолжетімді технологиялар принципіне көшуі: қазіргі жағдай мен келешегі» атты халықаралық конференция аясында БАҚ өкілдеріне сұхбат берген Владимир Марьев қысты күні Астана аспанын басатын түтіннен қалай құтылу қажеттін атап өтті.

«Бұл түтіннің қайдан шығатынын анықтау қажет. Егер ол автомобильдер шығаратын қалдықтар болса, онда бұл ірі қалалардың үлкен проблемасы. Сондықтан оның шешімі - отынның жаңа түрлеріне көшу және аталған отын түрін пайдаланатын автомобиль паркіне бақылау жасау. Қазіргі уақытта мұндай шара Мәскеуде қолданылып, көліктен шығатын қалдықтарды төмендетуге көмектесетін еуро стандартына көшірілуде. Егер бұл проблема жылу энергетикасы құрамына кіретін қуат өндіруші кәсіпорындармен байланысты болса, онда бұл басқа мәселе. Бұл - отынды дайындау, сүзгі, отының басқа түрлеріне көшу. Сондықтан түтіннің қайдан шығатынын білу қажет», - деді ол.

Сонымен қатар ол озық қолжетімді технологияларды енгізу қалдықтарды қысқартуға бағытталғанын атап өтті. Ресейлік компаниялар Қазақстанда ең озық қолжетімді технологияларды енгізуге қызығушылық танытып отырғандығын да айтты.

«KazWaste» қауымдастығымен бірлесе жұмыс істеп, жаңа технологиялар жайында ақпарат алмасып отырамыз. Бұған қоса, қандай қалдықтар жиналғаны және олармен не істеу қажеттігі жайында да ақпарат алмасуға келістік. Дегенмен, «Экологиялық және өнеркәсіптік саясат» ғылыми-зерттеу институты тарапынан бірлескен өндіріс құру жайында сөз бола қойған жоқ. Дегенмен, біз соған келеміз деп ойлаймын», - деді ресейлік сарапшы.

Айта кетейік, осыған дейін Қазақстан табиғатты пайдаланушылар қызметін экореттеудің жаңа режімін енгізетіндігі туралы хабарлағанбыз.

Сондай-ақ Қоршаған ортаға келтірілген залалдың өтемі ретінде төленген қаражаттың мақсатсыз жұмсалғандығын жаздық.

 

 

Біздің каналымызға жазылыңыз:

Басты сөздер: Экология, Қоғам, Астана,
Бөлісіңіз:

Автор:

Марлан Жиембай

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Ербол Жанат
Ербол Жанат
954-059
MURAǴAT