Қолданушы баптаулары
Қолданушы баптаулары
+7 (701) 759 90 19 Лента
USD 379.19 EUR 426.63
RUB 5.92 CNY 56.54
Jańalyqtar

Ресейлік ірі компания АХҚО биржасының ресми тізіміне енгізілді

2019 жылғы 17 сәуір 14:25 291
Бөлісіңіз:
 Ресейлік ірі компания АХҚО биржасының ресми тізіміне енгізілді

НҰР-СҰЛТАН. ҚазАқпарат - Ресейдің «Полиметалл»  компаниялар тобы «Астана» халықаралық қаржы орталығы биржасының ресми тізіміне енгізілді, деп хабарлайды ҚазАқпарат тілшісі.

Ұқсас жаңалықтар
G20 саммиті тұңғыш рет араб елінде өткізіледі Қазақстанда өтетін бизнес-форумға Корея президенті қатысады

«Полиметаллдың листингі халықаралық деңгейде танылған ірі эмитенттің тарапынан Қазақстанның инвесторлық әлеуетіне, АХҚО құзіретіне, сондай-ақ AIX-тің технологиялық мүмкіндіктері мен инфрақұрылымына деген жоғары сенімінің айғағы болып саналады. Бұл сенім еліміздегі жұмыс тәжірибесіне негізделгені анық және басқа да орта және ірі компаниялар AIX-тің  әлеуетті эмитенттері үшін үлгі болмақ», - деді «Астана» халықаралық қаржы орталығының басқарушысы Қайрат Келімбетов.


Ресейлік ірі компания АХҚО биржасының ресми тізіміне енгізілді 

АХҚО биржасындағы листинг Полиметалдың Қазақстандағы қызметінің алғашқы 10 жылдығымен тұспа-тұс келген.

«АХҚО биржасындағы листинг Полиметалдың Қазақстандағы қызметінің алғашқы 10 жылдығымен тұспа-тұс келген айтулы сәт. Бұл акцияларымызды жергілікті инвесторлар үшін анағұрлым тартымды әрі қолжетімді етеді және бізге акционерлер базасын кеңейтуге мүмкіндік береді деп үміттенеміз», - деді «Полиметалл» компаниялар тобының атқарушы директоры Виталий Несис.

Осы ретте ол бұл алғашқы қадам ғана екендігін атап өтті.

«Біз кеше Алматыда инвесторлармен кездесу барысында мәселелерді талқыладық. Егер сұраныс болып жатса, онда орналастырылатын акциялар көлемін ұлғайтуға мүмкіндік бар», - деді ол.

«HalyкFinance» компаниясының өкілі Мұрат Темірхановтың айтуынша,  Полиметаллдың листингке енгізілген акцияларының көлемі 10 млн долларды құрайды.

«Біз қор нарығының кәсіби қатысушысы ретінде мұны маңызды оқиға деп санаймыз. Себебі бізде капитал нарығы  әлі де даму процесінде тұр. Өткен жылы «Қазатомөнеркәсіп» сауда-саттығының ұйымдастырушысы болдық. Ол кезде жағдай мүлдем түсініксіз еді, нарық құлдырап, уран сатылымы нашарлап кеткен болатын. Тіпті сондай әлсіз маркетингтің өзінде сатылым 64 млн долларды құрады. Сондықтан Қазақстанда инвесторлар үшін үлкен мүмкіндік бар деуге болады», - деді М.Темірханов.

Айта кетейік, 2009 жылдан бері Қазақстанда жұмыс істейтін Полиметалл Шығыс Қазақстан облысында «Қызыл» және Қостанай облысында «Варваринское» жобаларын жүзеге асырып жатыр. Бұл компания тобында елімізде 2500 адам жұмыс  істейді. Өткен жылы Полиметаллдың Қазақстандағы активтері 238 мың унция алтын өндірді.


Ресейлік ірі компания АХҚО биржасының ресми тізіміне енгізілді 

 

 

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT