Ресейге қарсы санкциялар Қазақстан экспортына әсер етпейді – министр
2022 жылғы 14 мамыр 12:17

Ресейге қарсы санкциялар Қазақстан экспортына әсер етпейді – министр

НҰР-СҰЛТАН. ҚазАқпарат – ҚР Сауда және интерграциялар министрі Бақыт Сұлтанов Ресейге қарсы санкциялардың Қазақстан экспортына әсер етуі туралы айтып берді, деп хабарлайды ҚазАқпарат тілшісі.

«Санкциялар әсер етпейді, өйткені бізде Еуразиялық экономикалық одақтың ішінде бірінші тоқсан бойынша өзара сауда 20%-дан асады. Үшінші елдерге де экспорттың өсуін байқап отырмыз. Былтыр және биыл шикізаттық емес экспорттың да өсу көрсеткіштері өте жақсы. Бұл – өнеркәсіп салаларын қолдау жұмыстарының маңызды нәтижесі»

, - деді министр Қазақстан экспорттаушыларының бірінші форумында тілшілерге берген сұхбатында.

Сауда министрі өндірісті мемлекет тарапынан қолдау мен белгілі бір салалар және өнімдерді құру арасында тікелей байланыс барын атап өтті.

«Біздің міндетіміз – Еуропалық одақпен жұмыс істейтін сарапшылармен бірлесіп, экспорттық басымдыққа жылдам шығуға мүмкіндік беретін жүйелерді жасау. Ол үшін біз бірқатар бірлескен бағдарламаларды жүргіземіз. Сауда және интеграция министрлігі экспорттық акселерация ретінде бірқатар бағдарламаларды іске қосқанын білесіздер. Біз бес-алты жыл ішінде жыл сайын 100 жаңа экспорттаушыны шығарып отырамыз. Бұл жұмыс жақсы жүргізіліп келеді. Қазір 500-ге жуық белсенді экспорттаушымыз бар. Осы бағдарламалардың арқасында және басқа да мемлекеттік органдармен бірлесіп, белсенді экспорттаушылардың санын 2025 жылға қарай мыңға дейін жеткізгіміз келеді»

, - деді Бақыт Сұлтанов.

Еске салсақ, Үкімет басшысы Каспий портының экспорттық әлеуетін арттыруды тапсырды.


Ұқсас жаңалықтар
Экспорттаушы компаниялардың шығыны субсидиялануы мүмкін
2022 жылғы 9 тамыз 00:15

Экспорттаушы компаниялардың шығыны субсидиялануы мүмкін

НҰР-СҰЛТАН. ҚазАқпарат – Шикізаттық емес тауар экспортымен айналысатын отандық компанияларға шығындардың бір бөлігін субсидиялау жоспарланып отыр. Бұл туралы Сауда және интеграция министрлігінің баспасөз қызметінен мәлім етті, деп хабарлайды ҚазАқпарат тілшісі.

«Шикізаттық емес экспортты дамыту шеңберінде қазақстандық экспорттаушылар үшін шығындардың бір бөлігін өтеу, сақтандыру, кепілдік беру және субсидиялау бойынша жаңа ұлттық стандарттар қабылдауұсынылды. Ол үшін Сыртқы істер министрлігінің шетелдік мекемелерін тарту, экспорттық әлеуеті жоғары қызметтерді дамыту, қауіпсіздік пен халықаралық сапа талаптарына сай жүйе енгізу жоспарланған», - деп ведомствоның жоспарларымен бөлісті баспасөз қызметі.

Сонымен қатар құзырлы орган экспорттық акселерация бағдарламасыаясында отандық өнімді Өзбекстан, Біріккен Араб Әмірліктері, Сауд Арабиясы және Әзербайжан нарығына көп көлемде шығаруды қарастырып жатыр. Ал қазіргі таңдағы экспорттың басым үлесі Орталық Азия елдері, Ресей, Қытай, Түркия, Еуропа, АҚШ және Иран елдеріне тиесілі.

Қоса кетейік, Қазақстанның экспорты 37,2 пайызға артқанын хабарлаған болатынбыз.


Қазақстанның 5 кәсіпорны Сауд Арабиясына ет экспорттайды
2022 жылғы 8 тамыз 20:37

Қазақстанның 5 кәсіпорны Сауд Арабиясына ет экспорттайды

НҰР-СҰЛТАН. ҚазАқпарат - Қазақстанның ет өңдеу кәсіпорындары Сауд Арабиясына ет экспорттайды, деп хабарлайды ҚазАқпарат.

Қазақстанның Ауыл шаруашылығы министрлігі мен Сауд Арабиясының Азық-түлік өнімдері мен дәрі-дәрмек басқармасы арасындағы екіжақты белсенді ынтымақтастық нәтижесінде қазақстандық 5 ет өңдеу кәсіпорны Сауд Арабиясына қой еті мен сиыр етін экспорттауға құқығы бар кәсіпорындар тізіміне енгізілді.

Олар: «Алтын қазық» ЖШС (Ақмола облысы), «Ақтөбе ет кластері» ЖШС (Ақтөбе облысы), «Empire Food» ЖШС (Алматы облысы), «Meat Processing and Service LLP» ЖШС (Алматы облысы), «Кублей» ЖШС (Батыс Қазақстан облысы).

Бұған дейін 2021 жылғы 6-14 қыркүйек аралығында Сауд Арабиясының ветеринария қызметінің мамандары қазақстандық 5 ет өңдеу кәсіпорнына инспекция жүргізген болатын.

«Осылайша, отандық кәсіпкерлер басқа елдердің аумағында қазақстандық мал шаруашылығы өнімдерін өткізудің жаңа нарығын игеруді жалғастырып жатыр» деп хабарлайды Ауыл шаруашылығы министрлігі.


Қазақстанның экспорт көлемі 37,2 пайызға артты
2022 жылғы 8 тамыз 18:47

Қазақстанның экспорт көлемі 37,2 пайызға артты

НҰР-СҰЛТАН. ҚазАқпарат – Биылғы 5 айда Қазақстанның экспорты 37,2 пайызға артып, 34,2 млрд долларға жетті. Бұл туралы Сауда және интеграция министрлігі мәлім етті, деп хабарлайды ҚазАқпарат тілшісі.

Ведомство дерегінше, жыл басынан бері 6 мемлекетке жөнелтілген тауар көлемі өскен.

«Экспорт көлемі Грузия еліне - 7 есе (90,2 млн доллар), Канадаға - 6,6 есе (343,5 млн доллар), Мароккоға - 5 есе (124,1 млн доллар), Оңтүстік Кореяға - 4 есе (1,7 млрд доллар), Жапонияға - 3,3 есе (418,9 млн доллар) және Түркияға 2,1 есеге (2,1 млрд доллар) өсті», - деп мәлім етті министрліктің баспасөз қызметінен.

Еске сала кетейік, бұған дейін Жапонияға жылқы етін экспорттайтын отандық кәсіпорындардың саны артқанын жазып едік.


Jańalyqtar

Үрдіс

MURAǴAT