Ресейдің әскери оқу орнында оқып жүрген қазақстандық курсант көз жұмды

АСТАНА. ҚазАқпарат - Қазақстанның Ішкі істер министрлігі Ресей Федерациясы Ұлттық ұланы Саратов әскери институтында оқыған курсанттың өлімі бойынша мәлімет таратты, деп хабарлайды ҚазАқпарат.

19 ақпанда Ресей Федерациясы Ұлттық ұланы әскерлерінің Саратов әскери институтында Қазақстан Республикасы Ұлттық ұланы әскери қызметшісінің 3-курс курсанты қаза тапты.

Ол 2020 жылы «Арыстан» мамандандырылған лицейін бітіргеннен кейін іріктеуден өтіп, «Ұлттық қауіпсіздікті құқықтық қамтамасыз ету» мамандығы бойынша оқу үшін Ресей Федерациясы Ұлттық ұлан әскерлерінің әскери институтына жіберілген болатын.

ҚР Ұлттық ұлан академиясының қолбасшылығы әскери қызметшінің қаза болуына байланысты туыстары мен жақындарына көңіл айтады.

Фото: svki.rosguard.gov.ru