Ресейдегі жұмысшылардың жаппай төбелесіне Қазақстан азаматтары да қатысқан

АСТАНА. ҚазАқпарат - Ресейдегі жаппай төбелеске Қазақстан азаматтары да қатысқан. Бұл туралы ҚР ІІМ ресми өкілі Алмас Садубаев айтты, деп хабарлайды ҚазАқпарат тілшісі.

«Видеодағы оқиға осы жылдың 22 қарашасында Ресей аумағындағы Амур облысында салынып жатқан газ өңдейтін зауыттың құрылысында орын алған. Жұмысшылардың жаппай төбелесіне Тәжікстан азаматтары жəне біздің отандастарымыз да қатысқан. Жергілікті құқық қорғау органдары мəн-жайды анықтап жатыр. Кінəлілердің барлығы анықталған», - деді Алмас Садубаев.