Ресейде жолаушылар ұшағы радардан жоғалып кетті

МӘСКЕУ. ТАСС-ҚазАқпарат – Ан-28 жолаушылар ұшағы Томск облысында радардан жоғалды. Бұл туралы ТАСС агенттігіне авиациялық қызметтегі ақпарат беруші мәлімдеген, деп хабарлайды ҚазАқпарат ТАСС агенттігіне сілтеме жасап.

Әртүрлі деректер бойынша, ұшақта 13-17 адам бар. Олардың төртеуі – бала. «Ұшақ Бакчар ауданында радардан жоғалды. Оның төтенше маягі іске қосылған. Бортта 17 адам бар, олардың төртеуі – бала. Үшеуі – экипаж мүшелері», - деді авиациялық қызметтегі ақпарат беруші ТАСС агенттігіне.

Ол Ан-28 ұшағының шамамен қайда екенінің координатасы анықталғанын нақтылады. «Ан-28-дің төтенше маягінің іске қосылғаны тіркелді. Алдын ала деректер бойынша, координаталар Бачкар ауылының маңын көрсетіп тұр», - деді агенттікке сұхбат беруші.

Оның айтуынша, экипаж борттағы ақаулар туралы хабар бермеген.

«Ұшу штатты түрде өтті. Экипаж борттағы ешқандай ақау немесе проблема туралы хабар бермеді», - деді агенттікке сұхбат беруші.

Одан бөлек, ұшақта ұшу алдында ешқандай техникалық ақау болмаған.

«Ұшу алдындағы барлық процедуралар жасалған. Ұшақта техникалық ақау анықталмаған», - деп қосты ол.

Ан-28 ұшағы құлаған болуы мүмкін.