Қолданушы баптаулары
Қолданушы баптаулары
+7 (701) 759 90 19 Лента
Астана: 20 °С
Алматы: 21 °С
USD 342.49 EUR 400.85
RUB 5.51 CNY 51.33
Жаңалықтар

Ресейде жол апатынан мерт болған қазақстандық блогердің мүрдесі туыстарына берілді - ҚР СІМ

2018 жылғы 14 шілде 11:21 612
Бөлісіңіз:
Ресейде жол апатынан мерт болған қазақстандық блогердің мүрдесі туыстарына берілді - ҚР СІМ

АСТАНА. ҚазАқпарат - Ресейде жол апатынан мерт болған қазақстандық блогердің мүрдесі туыстарына берілді. Бұл жайында ҚР Сыртқы істер министрлігінің баспасөз қызметінен мәлім етті, деп хабарлайды ҚазАқпарат тілшісі.

Ұқсас жаңалықтар

«РФ ІІМ Челябі облыстық бас басқармасы Омбы қаласындағы Қазақстан консульдығына ұсынған ақпаратқа сәйкес 2018 жылдың  6 шілдесі күні Челябі облысы Ашинск ауданында «Мәскеу-Челябі» автомобиль жолының 1593 шақырымында жеңіл және жүк көліктерінің соғысуы салдарынан Қазақстанның үш азаматы қаза тапты. Жеңіл көліктің жүргізушісі мен 2 жолаушысы жол-көлік оқиғасы орын алған жерде жарақаттан көз жұмды», - делінген таратылған ақпаратта.

Жергілікті полиция мәліметінше, мына адамдар қаза тапқан: автомобиль жүргізушісі Магазов К.К., 14.05.1963 дүниеге келген, Килаж Д.К., 28.12.1999 жылы дүниеге келген, Уразбаев Д.И., 01.03.2000 дүниеге келген.

«2018 жылдың 7 шілдесінде қаза тапқандардың мүрдесі туыстарына берілді. Жол-көлік оқиғасы фактісі бойынша РФ ІІІМ Ашинск аудандық бөлімі бастығының орынбасарымен процессуалды тексеру жүргізіліп, нәтижесінде қылмыстық іс қозғаудан бас тарту туралы қаулы шығарылды», - деп атап өтеді ҚР СІМ баспасөз қызметінен.

Бұған дейін хабарлағанымыздай, алдын ала мәліметке сәйкес жеңіл көлік жолдың қарсы бетіне шығып кетіп, жүк көлігімен соқтығысқан.

 

 


Басты сөздер: Оқиға, Ресей, ҚР СІМ,
Бөлісіңіз:

Автор:

Марлан Жиембай

Онлайн қызметкерлер
Редактор
Айдар Оспаналиев
Айдар Оспаналиев
954-059
Мұрағат