+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Ресейде бес жыл іздеуде болған алаяқ әйел Петропавлдан табылды

2021 жылғы 27 қыркүйек 17:55
Бөлісіңіз:
Ресейде бес жыл іздеуде болған алаяқ әйел Петропавлдан табылды

ПЕТРОПАВЛ. ҚазАқпарат – Солтүстік Қазақстан облысының полицейлері «Іздестіру» республикалық жедел-алдын алу іс-шарасының екі күнінде іздеуде жүрген бес қылмыскерді тапты, деп хабарлайды ҚазАқпарат тілшісі.

Ұқсас жаңалықтар
Ер адам бөтелкелесін өлтірді деген күдікпен ұсталды - Алматы облысы Ақтөбеде елік пен қоян атып алған күдіктілер қолға түсті Елордада мыс кабель ұрлаған 4 жігіт ұсталды

СҚО полиция департаменті баспасөз қызметінің мәліметінше, Ресей полицейлері алаяқтық жасағаны үшін 55 жастағы әйелге іздеу жариялаған. Ивановск облысының полиция қызметкерлері оны 2016 жылдан бері таба алмай келген. Петропавлдың жедел уәкілдері әйелдің облыс орталығында жүрген жерін анықтады.

Ал Қызылжар ауданының тәртіп сақшылары 38 жастағы Қарағанды облысының тұрғынын тұрақты мекенжайы жоқ адамдардың арасынан тапты. Ер адамды Ресейдің Волжск қаласындағы туыстары іздестірген. Айтуларынша, қыркүйек айының басында ол Ресейге туыстарына қонаққа келуі керек болған, алайда барар жеріне жетпеген. Мазасызданған туғандары полицияға арызданған. Солтүстікқазақстандық полицейлер іздеуде жүрген ер адамды тауып, шетелдегі туыстарына телефон арқылы хабарласуға мүмкіндік берді. Жақын күндері ол үйіне қайтуға уәде етті.

Полицейлер «Іздестіру» республикалық жедел-профилактикалық іс-шарасы аясында жұмыс істеді. Екі күннің ішінде солтүстікқазақстандық жедел уәкілдер бес қылмыскерді іздеп тапты.

«Өткізіліп жатқан акция барысында іздеудегі қылмыскерлерді анықтау бойынша жұмыс жандандырылды. ТМД елдеріндегі әріптестерімізбен тығыз қарым-қатынаста жұмыс істейміз. Мұндай ынтымақтастықтың жедел іс-шараларды өткізуде тиімділігі зор», - дейді СҚО ПД бастығының орынбасары Руслан Назаров.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT