+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Ресей Жайық өзеніне бөгет салмақ па – Роман Склярдің жауабы

2021 жылғы 8 мамыр 17:33
Бөлісіңіз:
Ресей Жайық өзеніне бөгет салмақ па – Роман Склярдің жауабы

НҰР-СҰЛТАН. ҚазАқпарат – Ресей Жайық өзенінің арнасында бөгет салуды жоспарлап отырған жоқ. Бұл жайында Мәжіліс депутаттарының сауалына ҚР Премьер-Министрінің орынбасары Роман Склярдың жауабында айтылған, деп хабарлайды ҚазАқпарат тілшісі.

Ұқсас жаңалықтар
Павлодар облысында келер жылы суармалы жерлер тағы да 3000 га-ға дейін ұлғаяды Қарағанды облысының Сарышаған кентінен 300 тоннаға жуық қоқыс шығарылды Атырау қаласындағы жағымсыз иісті жою үшін не істеледі

«Ресей Федерациясымен ынтымақтастық Қазақстан Республикасы мен Ресей Федерациясы Үкіметтерінің арасындағы 2010 жылғы 7 қыркүйектегі Трансшекаралық су объектілерін бірлесіп пайдалану және қорғау туралы келісімнің нормаларына сәйкес жүзеге асырылады. Келісімнің ережелеріне сәйкес тараптар трансшекаралық өзендердің бассейндерінде салуға жоспарланған гидротехникалық құрылыстардың қоршаған ортаға әсерін бірлесіп бағалайды және қарастырады. Жайық өзені бассейнінің су ресурстарын пайдалану екі мемлекет үшін де экологиялық қауіпсіздікті қамтамасыз етуде ерекше маңызы бар. Келісімді басшылыққа ала отырып, Орынбор қаласын сумен қамтамасыз етуді жақсарту мақсатында Жайық өзенінің арнасында бөгет салу туралы осы жылғы наурыздың басында интернет-ресурстарда жарияланғаннан кейін қазақстандық тарап дипломатиялық арналар арқылы ресми сұрау салу жолдады. Ресей тарапының ресми жауабының болмауына қарамастан, Ресей Федерациясының Федералдық су ресурстары агенттігі басшысының орынбасары деңгейінде жұмыс кездесулерінде ресей тарапы Жайық өзеніне бөгет салу жоспарын растамайды», - деді Роман Скляр.

Сондай-ақ, ол Жайық өзені бассейніндегі су шаруашылығы жағдайын жақсарту бойынша шаралар қабылдау мақсатында ресей тарапымен Жайық өзенінің гидрологиялық режиміне бірлескен зерттеулер жүргізу туралы уағдаластыққа қол жеткізілгендігін атап өтеді.

«Осы мақсатта 2020 жылғы қазанда ірі өзендердің бассейндерінде (Жайық, Ертіс және басқа) зерттеулер жүргізу бойынша ынтымақтастықты жандандырудың бірыңғай жол картасы және оның тармақтарын орындау мерзімін және ұйымдастыру формасын нақтылайтын іс-шараларды іске асыруға арналған жұмыс кестесі бекітілді. Аталған жұмыс аясында тараптардың сарапшылары Жайық өзенінің құрғақ кезеңінде гидрологиялық ағынын жақсарту бойынша ұсыныстар әзірлейді», - деді ол.

Оның атап өтуінше, Жайық трансшекаралық өзенінің гидрологиялық режиміне зерттеу жүргізу үшін 2021 жылғы республикалық бюджетті нақтылау аясында 11,950 млн теңге қаражат бөлу туралы бюджеттік өтінім енгізілді.

«Бұдан басқа, Батыс Қазақстан облысын толық сумен қамтамасыз ету үшін 2021 жылғы 20 сәуірде Республикалық бюджет комиссиясының шешімімен осы жылға арналған республикалық бюджетті нақтылау аясында Саратов магистральдық арнасы бойынша Қараөзен мен Сарыөзен өзендеріне және РФ Паллас суару-суландыру жүйесінен Жәнібек суару-суландыру жүйесіне қосымша су көлемін беру үшін 1 200 млн теңге сомасында қаражат көзделген», - деді Үкімет басшысының орынбасары.


Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT