+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Ресей ОСК-на заңбұзушылықтар туралы 6 мыңнан астам шағым түсті

2018 жылғы 18 наурыз 22:40
Бөлісіңіз:
Ресей ОСК-на заңбұзушылықтар туралы 6 мыңнан астам шағым түсті

МӘСКЕУ. ҚазАқпарат - Ресей Федерациясының Орталық сайлау комиссиясына заңбұзушылықтарға байланысты 6 мыңнан астам қоңыраулар мен шағымдар түскен. Бұл туралы РФ Орталық сайлау комиссиясының басшысы Элла Памфилова мәлім етті, деп хабарлайды «ҚазАқпарат» ХАА-нің меншікті тілшісі.

«Бүгінгі таңға сайлау комиссияларының кемшіліктеріне, сайлау процесінің бұзылуына байланысты сайлаушылардан 6 мың 366 жазбаша шағым түсті»,-деді Орталық сайлау комиссиясының басшысы.

Оның сөзінше, ОСК-ға түскен 200-ге жуық шағымдар қарау үшін РФ Бас прокуратурасына жолданған.

«200-ге жуық шағым Бас прокуратураға жолданды, 40-тан астамы губернаторларға жіберілді. 2-3-уі тергеу комитетінде»,-деді Э.Памфилова шағымдардың бірқатары ішкі істер министрлігіне жолданғанын қоса айтып.

РФ Орталық сайлау комиссиясы басшысының айтуынша, шағымдар кейбір штабтарда байқаушыларға берілген анықтамалардың алынып қоюымен байланысты болып отыр. Алайда бұл проблемалар жедел түрде шешімін тапқан.

Сонымен қатар ол әкімшілік ресурстардың қолданылу мүмкіндігіне байланысты шағымдар түскендігін жеткізе кетті.

«Қазіргі таңда олардың саны - 795. Олар тексерілуде»,-деді ол.



Біздің каналымызға жазылыңыз:

Бөлісіңіз:

Автор:

Айдар Оспаналиев

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059
REDAKTOR
Үмбет Шолпан
Үмбет Шолпан
954-059

MURAǴAT