+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Ресей мектебінде қазақ тілін оқытатын сынып ашылды

2020 жылғы 18 қаңтар 20:37
Бөлісіңіз:
Ресей мектебінде қазақ тілін оқытатын сынып ашылды

ТҮМЕН. ҚазАқпарат – Түмен облысында осымен үшінші қазақ тілі сыныбы ашылды, деп хабарлайды ҚазАқпарат Түмен облысы қазақтарының ұлттық-мәдени автономиясының президенті Есенғали Ибраевқа сілтеме жасап.

Бұл жайында ол өзінің Facebook парақшасында жазды.

«Бүгін Голышманово ауылындағы №4 орта мектеп базасында облыстағы кезекті үшінші қазақ тілі сыныбы ашылды. Сыныптың ашылуына орай концерт ұйымдастырылып, шашу шашылды, мерекелік дастархан жайылды. Түмен облысы қазақтары ұлттық-мәдени автономиясының бұл бастамасына Голышманово қалалық округінің басшысы Александр Ледаков қолдады. Қазақ тілінің алғашқы сабағына 40 оқушы, сондай-ақ ата-аналар, аталар мен әжелер келіп қатысты. Сыныпқа адам жинау әлі жалғасып жатыр. Ауылдарда қазақ тілін үйренгісі келетіндер баршылық» деп жазды Есенғали Ибраев.

Голышманово қазақтары ұлттық салт-дәстүр мен мәдениетті қадір тұтады, ұстанады. Көп жылдар бұрын дәл осы жерде Түмен облысы қазақтарының алғашқы құрылтайы өткен.

«Бүгінде біздің автономияның жергілікті бөлімшесін Дүйсенбай аға Бекқожинов басқарады. Олар ұлттық-мәдени жобаларды белсене жүзеге асырып жүр. Жергілікті оқушыларға қазақ тілін үйренуде сәттілік тілеймін», - дейді Түмен облысы қазақтары ұлттық-мәдени автономиясының басшысы.

Ендігі жоспар – дәл осындай қазақ тілі сыныбын Ишим қаласынан ашу.



Біздің каналымызға жазылыңыз:

Басты сөздер: Қандастар, Тіл, Ресей,
Бөлісіңіз:

Автор:

Жанат Қапалбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059

MURAǴAT