+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Ресей Қазақстанға гуманитарлық жүк жіберді

2020 жылғы 8 шілде 11:37
Бөлісіңіз:
Ресей Қазақстанға гуманитарлық жүк жіберді

НҰР-СҰЛТАН. ҚазАқпарат – Ресей Федерациясы Қазақстанға гуманитарлық жүк жіберді. ҚазАқпарат бұл туралы ҚР Сыртқы істер министрлігіне сілтеме жасап хабарлайды.

Ұқсас жаңалықтар
Карантин: 17 тамыздан кейін қандай шектеулер сақталады

«ҚР Премьер-Министрі Асқар Маминнің РФ Үкіметінің төрағасы Михаил Мишустинмен COVID-19-ға қарсы іс-қимыл бойынша бірлескен уағдаластықтарының жалғасы ретінде 8 шілде күні Нұр-Сұлтан қаласына Ресей Федерациясының Төтенше жағдайлар министрлігінің арнайы бортымен гуманитарлық жүк жеткізілді.

РФ гуманитарлық жүгінде медициналық маскалар, қорғаныс киімдерінің жиынтықтары мен медициналық препараттар бар. Қазақстандағы гуманитарлық көмектің бірыңғай операторы «СҚ-Фармация» ЖШС болып табылады», - деді министрліктен.

Сондай-ақ алдағы жақын уақытта Ресейден тағы бірнеше рейс гуманитарлық жүк жеткізілетіні атап өтілді.

«Қазақстан Сыртқы істер министрлігі коронавирус пандемиясымен күресте көрсеткен қолдауы үшін Ресей Үкіметі мен бауырлас халқына алғысын білдіреді», - деді ведомстводан.

Еске салайық, Асқар Мамин мен Михаил Мишустин CОVID-19-бен күрестегі бірлескен шараларды телефон арқылы талқылаған болатын. Ресей тарапы Қазақстанға дәрі-дәрмек және шығыс материалдарымен бірге тест жүйелері түрінде гуманитарлық көмек көрсетуге, сонымен қатар жұқпалы аурулар госпитальдары мен вирусологиялық зертханаларды ашу бойынша мамандарды ҚР-ға жіберуге дайын екенін білдірген еді.

Мемлекет басшысы Қасым-Жомарт Тоқаев РФ Президенті Владимир Путинмен телефон арқылы әңгімесінде коронавируспен күресте елімізге гуманитарлық көмек көрсету туралы шешім қабылдағаны үшін ризашылық білдірді.

Ал 6 шілде күні Қазақстанға РФ-дан 32 дәрігер келді. Олар қазақстандық әріптестеріне коронавируспен күресте көмек көрсететін болады. Мамандардың бір бөлігі Алматы қаласына жіберілді.

Күні кеше ҚР Денсаулық сақтау министрі Алексей Цой мен РФ Денсаулық сақтау министрінің орынбасары Олег Гридневтің онлайн кездесуі өтіп, олар клиникалық хаттама, ғылыми зерттеулер әзірлеу, вакцина мен оның клиникалық сынағын қарастыру, гуманитарлық көмек және дәрі-дәрмек бойынша бірлескен әзірлемелерді жеткізудегі ынтымақтастықты талқылады.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT