Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

Райымбек батырдың соңғы соғысы болған жерге ескерткіш тақта орнатылды

2019 жылғы 16 шілде 20:33 368
Бөлісіңіз:
Райымбек батырдың соңғы соғысы болған жерге ескерткіш тақта орнатылды

ЖАРКЕНТ. ҚазАқпарат – Ұлы Жібек жолының бойындағы тарихы терең Түргенкент орнында ескерткіш тақта орнатылды, деп хабарлайды ҚазАқпарат тілшісі.

Алматы облысының Панфилов ауданы орталығы – Жаркент қаласы мен осы өңірдегі ең ірі елді мекен – Көктал ауылын жалғайтын күре жолдың бойындағы Түргенкент тарихи орны бар. Кенттің орны, айнала қоршаған дуалы, қорған түбінен дұшпан шабуылына қарсы қазылған су толтыратын ордың сілемі қазірдің өзінде айқын көрініп жатыр. Сонау 1856 жылы Қашқарияға жасаған әйгілі сапары кезінде зерттеуші жиһанкезі Шоқан Уәлиханов өз қолымен сызған Жаркент өңірі картасында бұл кенттің орны нақты көрсетіліп, атауы да анық жазылған.

Бұл жерде талай-талай оқиғалар орын алғаны тарихтан белгілі. Соның бірі - «Ақтабан шұбырынды» зобалаңының ақырғы шайқасы. XVIII ғасырдың екінші жартысында Райымбек батырдың қолы қалмақтарды осы арадан Қытаймен шекарадағы қазіргі Қорғас өзенінен асыра қуып тастайды. Бұл шайқасқа Суанның атақты Аралбай, Сатай, Бөлек батырлары да қатысып, туған жер, туған елін басқыншылардан азат етуге атсалысқан. Райымбек батыр осы ұрыста улы жебеден жараланған деген деректер бар. Бұл туралы жазушы жерлесіміз, Мемлекеттік сыйлықтың лауреаты Бексұлтан Нұржекеұлының зерттеу мақалаларында жазды.

Күре жолдың бойына орнатылған көрнекті тақтаға осынау тарихи жағдай жөнінде айшықты етіп жазылған. Ескерткіш тақтаны аудандағы «Мейірім» мекемесінің басшысы Амантай Раев бастамашы болып орнатқан.

Біздің каналымызға жазылыңыз:

Бөлісіңіз:

Автор:

Нұрәділ Бегімбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT