12:08, 25 Желтоқсан 2016 | GMT +6
Радардан жоғалып кеткен РФ Қорғаныс министрлігінің ұшағы апатқа ұшыраған
АСТАНА. ҚазАқпарат - Алдын ала деректер бойынша, РФ Қорғаныс министрлігінің Ту-154 ұшағының Сочиде құлауы техникалық ақаулар және ұшу кезіндегі қателік салдарынан болған, деп хабарлайды РИА Новости қарулы күштер дереккөзіне сілтеме жасап.
«Ту-154 ұшағының құлауы әуе кемесіндегі техникалық ақаулар және ұшу кезіндегі қателік салдарынан болды деген нұсқа бар», - деп айтқан агенттіктің дереккөзі.
Ресей қорғаныс министрлігінің баспасөз қызметі хабарлағандай, Адлер аэродромынан жоспарлық ұшу жасау барысында Ту-154 ұшағы радардан жоғалып кеткен. Ұшақтың бортында 83 жолаушы мен экипаждың 8 мүшесі болған.
Баспасөз қызметі мәлімдегендей, жоғалған Ту-154 ұшағында әскери қызметкерлер, сонымен қатар Александров атындағы ансамбль әртістері мен ресейлік БАҚ-тың тоғыз өкілі болды.
Лайнерді іздеу жұмыстарын Краснодар өлкесі мен көрші өңірлердегі Оңтүстік әскери округі әуе бөлімшелерінің барлық іздеу-құтқару қызметі жүргізуде.