Qazaqstandyqtar elektrondy densaýlyq pasportyna qashan tolyq kóshedi
"Sıfrlandyrý aıasynda densaýlyq saqtaý júıesiniń ashyqtyǵyn arttyrý maqsatynda mynadaı sharalar josparlanǵan: biryńǵaı ınteroperabeldilik platformasyn óndiristik paıdalanýǵa berý, barlyq aqparattyq júıelerdiń ıntegrasıasy, 2019 jylǵy 1 qańtardan bastap saladaǵy medısınalyq qujattamany qaǵazsyz júrgizý, jergilikti elektrondyq densaýlyq pasporttaryn ulttyq densaýlyq pasporttarymen úılestirý», - dedi ol.
Mınıstrdiń dereginshe, búgingi kúni 10 mln halyqtyń elektrondyq densaýlyq pasporty bar.
«2020 jylǵa qaraı halyqtyń 100 paıyzynda elektrondyq densaýlyq pasporttary bolady. Bul árbir adamnyń qaı mekemege júgingenine qaramastan azamattyń densaýlyǵy týraly obъektıvti derekterge tolyq qoljetimdilikti qamtamasyz etýge múmkindik beredi. Medısınalyq kómek alýdyń sapasy men yńǵaılylyǵyn jaqsartady»,- dedi ol.
Eljan Birtanovtyń aıtýynsha, «100 naqty qadam» Ult josparyna sáıkes «Áleýmettik medısınalyq saqtandyrý qory» quryldy. Qorda 100,5 mlrd teńge jınaqtaldy.
«2018 jylǵy 1 qańtardan bastap qor Tegin medısınalyq kómek qyzmetteriniń biryńǵaı satyp alýshysy bolyp tabylady»,- dedi mınıstr.