+7 (701) 759 90 19
USD 433.15 EUR 515.06
RUB 5.61 CNY 66.06
Jańalyqtar

«Qazaqstan» телеарнасы «Елорда әкімдері» жаңа деректі фильмін ұсынады

2020 жылғы 5 шілде 16:13
Бөлісіңіз:
«Qazaqstan» телеарнасы «Елорда әкімдері» жаңа деректі фильмін ұсынады

НҰР-СҰЛТАН. ҚазАқпарат - 6 шілде - Астана күніне орай «Qazaqstan» Ұлттық телеарнасы «Елорда әкімдері» атты жаңа деректі фильм түсірді, деп хабарлайды ҚазАқпарат тілшісі.

«Қазақстанның астанасын 20 жылдан астам уақыт ішінде 8 әкім басқарды және олардың барлығы қала тарихында өз қолтаңбасымен ерекшеленді. ҚР Тұңғыш Президенті - Елбасы Нұрсұлтан Назарбаев сенім артқан саяси тұлғалардың барлығы бас шаһардың қалыптасып, дамуына өз үлесін қосты. Деректі фильмде қаланы әр жылдары басқарған Ә. Жақсыбеков, Т. Досмұхамбетов, Ө. Шөкеев, А. Мамин, И. Тасмағамбетов, Ә. Исекешев, Б. Сұлтанов және қаланың қазіргі әкімі А. Көлгінов Елбасының қала билігін сеніп тапсырған сәтін еске алып, ел астанасының қарыштап дамуы үшін жүктеген жоспары туралы бөліседі», - делінген телеарна баспасөз қызметі жіберген ақпаратта.

Бағдарламада әр басшының тұсында жүзеге асқан жобалар мен айтулы оқиғалар кеңінен қамтылады және сол арқылы Елбасы Нұрсұлтан Назарбаевтың еңбегі мен Қазақстан астанасын әлемге танытудағы айрықша қолтаңбасы көрсетіледі. Астананы ауыстыру тек көшпен шектелмегені, оны орталықтандыру, күллі әлемге мойындату оңай болмағаны сол қаланы басқарған басшылар арқылы жеткізіледі.

Жобада ҚР Тұңғыш Президенті – Елбасы Н.Назарбаевтың ұлт өмірін өзгерткен ұтқыр шешімдері, қағаз бетіндегі идеялардан бастап, шындыққа айналған сәулетті жобаларға дейінгі табанды еңбегі, іскерлік пен экономиканың қозғаушы күшіне айналған ел астанасын таңдаудағы бағдар етіп алған 32 өлшем туралы айтылады.

Деректі фильм 6 шілде күні сағат 20:00-де «Qazaqstan» Ұлттық арнасынан эфирге шығады.



Біздің каналымызға жазылыңыз:

Бөлісіңіз:

Автор:

Марлан Жиембай

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT