Qaraǵandyda sıfrlandyrý kúni ótedi
Núrken Ábdirov sport keshenine kelip «aqyldy qala» jobalarynyń kórmesin kórýge bolady. Bul jobalar Qaraǵandy, Shyǵys Qazaqstan jáne Pavlodar oblystarynda júzege asyrylýda. «Aqyldy qala» tujyrymdamasyna syrtqy beınebaqylaý protsessterin, kóshe jaryqtaryn jáne jol qozǵalysyn retteýdi avtomattandyrý, densaýlyq saqtaý, bilim berý salalarynda biryńǵaı aqparattyq júıe qurý, sondaı-aq áleýmettik salalardy jetildirý úshin qosymshalar men kompıýterlik baǵdarlamalar qurý sekildi jobalar kiredi.
Sol kúni «Nur Otan» ǵımaratynda «Sandyq tehnologıalar ekonomıkany damytýdyń draıveri» taqyrybynda dóńgelek ústel ótedi.
Sıfrlandyrý kúniniń eń aýqymdy sharasy - Núrken Ábdirov sport saraıynda ótetin úshinshi Hakaton. Onyń taqyryby - «aqyldy qalalar» salasynda jobalardy damytý. Stýdenttik komandalar turǵyndardyń ómirin jaıly etetin ıdeıalaryn iske asyratyn bolady.
Bul iste olarǵa mentorlar - ártúrli salalardyń kásibı mamandary kómektesedi. Hakatonǵa eń qyzyqty jobalardy tańdaýǵa jáne bolashaqta ony qurastyrýshymen áriptestik ornatatyn kompanıa ókilderi shaqyrylǵan.
Hakatonnyń jalpy júlde qory mıllıon teńge.