+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Qabilet жобасы: ШҚО-да дарынды балалар іріктеуден өтеді

2021 жылғы 14 қазан 22:54
Бөлісіңіз:
Qabilet жобасы: ШҚО-да дарынды балалар іріктеуден өтеді

ӨСКЕМЕН. ҚазАқпарат – Шығыс Қазақстан облысында Qabilet жобасы аясында дарынды оқушылар іріктеуден өтеді, деп хабарлайды ҚазАқпарат тілшісі.

Ұқсас жаңалықтар
Биыл тұрмысы төмен отбасынан шыққан 1 мыңнан астам бала сауықтыру курстарынан өтті - БҒМ Асхат Аймағамбетов мектептердегі эпиджағдай туралы айтты Шығыс Қазақстанда жыл сайын 20 мыңнан астам нәресте дүниеге келеді

ҚР Тұңғыш Президенті Нұрсұлтан Назарбаевтың дарынды балаларды анықтау мақсатындағы «Ел Үміті» жалпыұлттық бастамасы 2019 жылдан бері жүзеге асырылып келеді. Соның аясында биылғы қазан айынан бастап ел аумағында Qabilet жобасы іске қосылды.

«Жобаны Нұрсұлтан Назарбаев қоры, «Елбасы Академиясы» корпоративтік қоры мен Білім және ғылым министрлігі ұйымдастыруда. Мұндағы мақсат – оқушылардың қабілеті мен кәсіби бағдарлануын диагностикалаудың ұлттық жүйесін құру, дарынды балалардың жеке әлеуетін іске асыру үшін оларды сүйемелдеу және қолдау. Бірінші кезеңде жобаға 10-11 жастағы оқушылар қатыса алады. Келесі кезеңдерде жасөспірімдер қамтылады», - деді ШҚО Білім басқармасының басшысы Сайрангүл Жұмаділова.

Диагностика әдістемесі Елбасы академиясы және психологиялық диагностика саласындағы сарапшылармен бірлесе отырып әзірленген. Оқушылардың қабілетін бағалау бойынша тест өткізіледі. Соның қорытындысы бойынша қатысушының қабілеттілік нәтижелері айқындалады.

«Әрі қарай қатысушы өз қалауы бойынша маманның кәсіби кеңесіне жазыла алады. Ол тестілеу нәтижелерін дұрыс талдауға көмектеседі және қабілеттерін одан әрі дамыту бойынша ұсыныстар береді. Қызмет кез келген оқушыға қолжетімді болу үшін тегін ұсынылып, сайтқа кез келген құрылғылармен кіруге болады. Тестілеуден өту үшін qabilet.elbasyacademy.kz сайтына тіркелу қажет», – деді Сайрангүл Жұмаділова.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT