+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Путин, Пашинян мен Алиев Таулы Қарабақтағы инфрақұрылымдық жобаларды бірге дамытпақ

2021 жылғы 11 қаңтар 21:40
Бөлісіңіз:
Путин, Пашинян мен Алиев Таулы Қарабақтағы инфрақұрылымдық жобаларды бірге дамытпақ

НҰР-СҰЛТАН. ҚазАқпарат - Путин, Пашинян мен Алиев Таулы Қарабақтағы инфрақұрылымдық жобаларды дамыту жөнінде келісімге қол қойды, деп хабарлайды ҚазАқпарат ресейлік ТАСС агенттігіне сілтеме жасап.

Айта кетейік, Мәскеуде РФ Президенті Владимир Путин, Әзербайжан Президенті Ильхам Алиев пен Армения Премьер-Министрі Никола Пашинянның келіссөзі аяқталды. Үшжақты кездесу 4 сағатқа созылды.

Осыған дейін Путиннің әзербайжандық және армян әріптесімен жеке-жеке екіжақты кездесу өткізетіні де хабарланған болатын.

Үшжақты кездесу жабық есік жағдайында өтті. Тек Путин ғана кездесу басталар алдында көпшілік алдында сөз сөйледі. Ресей Президенті Әзербайжан және Армениямен тату көршілік қарым-қатынасты жақсы бағалайтынын, сондай-ақ Әзербайжан мен Армения тарапының Ресейдің Таулы Қарабақтағы атысты тоқтату жөніндегі «делдалдық» әрекетіне қолдау көрсеткеніне ризашылығын білдірді.

Путин 2020 жылдың қарашасында жасалған келісімдер рет-ретімен жүзеге асырылып жатқанын және осы әрекеттің Тауыл Қарабақтағы шиеленісті Армения мен Әзербайжан халқының мүддесіне сай, әділ реттеуге ұзақмерзімді әрі толыққанды негіз қалайтынын атап өтті.


Біздің каналымызға жазылыңыз:

Бөлісіңіз:

Автор:

Айдар Оспаналиев

Пікір қалдыру
+7
Жіберу
Сондай-ақ... оқыңыз
ONLAIN QYZMETKERLER

MURAǴAT