Путин бүгінгі туған күнін достары мен жақындары арасында өткізбек
Оның баспасөз-хатшысы Дмитрий Песковтың айтуынша, ресейлік басшы төл мерекесін атап өтуге қатысты көпшілікке арналған іс-шаралар өткізуді жоспарлап отырған жоқ. Ол туған күнін достары мен жақындары арасында өткізбек, деп хабарлайды ҚазАқпарат ТАСС ақпараттық агенттігіне сілтеме жасап.
«Дегенмен, халықаралық қоңыраулар, құттықтаулар түседі. Сондықтан қандай да бір мәселелер қозғалатын болады. Мемлекет басшылар еш уақытта мерекелік тақырыппен ғана шектеліп қалмайды», - деді Песков.
Айта кетейік, Владимир Путин 2014 жылы көп жылдан бері алғаш рет демалыс алып, туған күнін сібір тайгасында өткізді. 2015 жылы 63-інші туған күнін хоккей алаңында өткізді. Ол "ҰХЛ Жұлдыздары" және "ҰХЛ Құрамасы" Түнгі хоккей лигасы командаларының матчына қатысып, «ҰХЛ Құрамасының» қақпасына жеті шайба салды.
Путиннің РФ басшылығындағы президенттік мерзімі 2018 жылы аяқталады.