+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Пульмонолог дәрігер: Коронавируспен ауырғандар сақтық шараларын ұмытпауы керек

2020 жылғы 28 қараша 16:50
Бөлісіңіз:
Пульмонолог дәрігер: Коронавируспен ауырғандар сақтық шараларын ұмытпауы керек

НҰР-СҰЛТАН. ҚазАқпарат - 27 қарашадағы жағдай бойынша, республикамыз орташа қауіпті аймақта тұр. Қауіпті бес өңірге қатаң шектеу шаралары енгізілген. Республикада қазан айымен салыстырғанда қарашада КВИ-ге шалдыққандар 3,7 есе өскен. Осы орайда пульмонолог дәрігер Саттар Ералиев ҚазАқпарат тілшісіне берген сұхбатында коронавирус инфекциясының адам денсаулығына қаншалықты қауіпті екенін айтып берді.

Ұқсас жаңалықтар
Шығыс Қазақстанда 1 мыңнан астам оқушы коронавирус жұқтырған Атырау облысында коронавирус жұқтырғандар саны 15 мыңнан асты Орал қаласында шектеу шаралары күшейтіледі

- Басқа респираторлық инфекциялармен салыстырғанда COVID-19 кезінде өкпенің зақымдануының ерекшелігі неде?

- Барлық вирустық пневмониялар адам ағзасында ұқсас дәрежеде өтеді. COVID-19 ерекшелігіне тоқталсақ, ЖРВИ кезіде өкпенің қабынуы жиі болмайды. Осы орайда респираторлық вирустардың барлығы пневмонияға әкеле бермейді. Бұл ретте көбіне адамдар ауруды жеңіл еңсереді. Ал тұмау анда-санда ауыр вирустық пневмонияға шалдықтыратыны белгілі. Дегенмен коронавирус инфекциясы кезінде өкпенің зақымдануы адамдардың басым бөлігінде кездеседі, науқастардың 80 пайызына дейін осы қиындыққа тап болады.

Аллаға шүкір, науқастардың көбісі өздерінде пневмония екенін байқамай да қалады, індетті жеңіл еңсереді. Бұл да COVID-19-дың бір ерекшелігі десек болады. Науқастардың бірінде пневмония жеңіл өтсе, басқаларында өлім-жітімге дейін әкеледі. Осы орайда егде жастағы адамдарға, созылмалы ауруы барларға, иммундық кемістігі байқалған адамдарға қиын түседі.

- Қай жағдайда коронавирус инфекциясынан емделіп шыққан адамдарға сауықтыру шаралары міндетті болады?

- Індетті еңсергеннен кейін, оның салдары қалыпты өмір сүруге кедергі болып жатса, сауықтыру шараларына бару керек. Ми мен жүйке жүйесінің зақымдануы симптомы ұзақ сақталады, яғни әлсіздік, күш-жігердің әлсіреуі, ұйқысыздық байқалады.

Сауықтыру шаралары қайда өтеді? Бұл өз кезегінде індет салдарына байланысты болады. Осы орайда адамдардың бір бөлігі невропатологқа, гастроэнтерологқа қаралады. Ал өкпеге елеулі зақым келсе, онда пульмонолог дәрігердің бақылауында болады.

Кейде COVID-19 вирусы науқастың бұрынғы созылмалы ілеспе ауруларын асқындырады. Бұл жағдайда тиісті мамандардың көмегіне жүгіну керек.

- Түрлі формада COVID-19-бен ауырып шыққан адамдарға қандай кеңес берер едіңіз?

- Айтатын ұсыныстар бар, бірақ олардың кейбірі қазір кештеу болуы мүмкін. Ауыр формада ауырып шыққандар қазан айының бірінші жартысында тұмауға қарсы екпе алуы керек еді. 65 жастан асқандар немесе соқылмалы ауруы барлар, пневмококк инфекциясына қарсы екпе салдырған жөн. Себебі коронавирус инфекциясынан кейін екінші мәрте бактериалды инфекцияға шалдығу мүмкіндігі жоғары, соның ішінде пневмококк ауруда да бар.

COVID-19-дан кейін иммунитет уақытша болатынын ескерсек, ауырған адамдар басқалары секілді дәрігерлер мен мамандар айтқан ережені ұстануы керек. Бұл тұрғыда әлеуметтік қашықтықты сақтау, адамдар көп жиналатын жерлерге бармау, қолды жиі жуып отыру, маска тағу талаптарын орындау маңызды.


Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT