+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Психиатриялық орталықтан қашқан үш жасөспірімнің бірі табылды

2018 жылғы 25 қыркүйек 13:01
Бөлісіңіз:
Психиатриялық орталықтан қашқан үш жасөспірімнің бірі табылды

АЛМАТЫ. ҚазАқпарат - Алматыда психиатриялық орталықтан қашып кеткен үш жасөспірімнің бірі табылды, деп хабарлайды ҚазАқпарат тілшісі.

14 жастағы Маргарита Козлова туысқандарының үйінде болған екен.

«14 жастағы қыз табылды. Ол отбасы бар бала. Анасы келіп, барлық мəселені талқыладық. Қыздың денсаулығы жақсы, дін аман. Оны орталықтан шығардық. Ал балалар үйлерінің қалған екі тəрбиеленушісі əлі табылмай жатыр»,- деді Республикалық ғылыми-практикалық психикалық денсаулық орталығы бас директорының орынбасары Қуаныш Алтынбеков.

Алматы орталығында орналасқан Республикалық ғылыми-практикалық психикалық денсаулық орталығынан үш жасөспірім қашып кеткенін хабарлаған болатынбыз.

13,14 және 16 жастағы балалар сәрсенбі күні тəрбиешінің назары басқаға ауғанын пайдаланып, терезе арқылы қашып кеткен.

Аурухана өкілдерінің айтуынша, балалардың симптоматикасында дромомания белгілері байқалған. Яғни, үйден қашып кетуге, кезбелікке бейімділік.

Ал орталықтың медициналық қызмет сапасын бақылау бөлімінің басшысы Ажар Әбееваның айтуынша, аталған дерек бойынша ішкі тексеру жүріп жатыр.

«Клиникалық протоколдан негізсіз ауытқу дерегі болды ма, әлде қызметкерлер тарапынан өз міндетін атқаруда өзге кемшіліктер жіберілді ме, сол мәселелер қаралады. Осы тәртіп бұзушылықтар анықталған жағдайда сәйкесінше шара қабылданады. Бұл жағдайда ішкі тәртіп бұзылған. Менің ойымша, тәрбиешінің назарын әдейі басқаға бұрып, ұрымтал тұсты пайдаланған жасөспірімдер шығып кеткен. Балалардың бірі инициатор болып, қалғаны оның артынан еріп кетуі мүмкін», - деді Ажар Әбеева.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT