Прокурорлар арасында волейболдан чемпионат өтеді

ТАНА. 16 қараша. ҚазАқпарат /Қанат Мәметқазыұлы/ - Қазақстан Республикасының Бас прокуратурасы 17-18 қарашада ел Тәуелсіздігінің мерейтойына және прокуратура органдары құрылуының 20 жылдығына арналған прокуратура органдарының ұжымдары арасында волейболдан чемпионат өткізеді. Бұл туралы ведомствоның баспасөз қызметінен хабарланды.

Чемпионатқа өңірлік қағидамен жасақталған алты команда қатысады. Олар - Бас прокуратура (Бас прокуратура, Бас әскери прокуратура, Бас көлік прокуратурасы, С.Есқараев атындағы Институт, Астана қаласының прокуратурасы), Құқықтық статистика және арнайы есепке алу жөніндегі комитет, «Оңтүстік» (Алматы қ., Оңтүстік Қазақстан, Жамбыл және Қызылорда облыстарының прокуратуралары), «Орталық» (Ақмола, Қостанай, Қарағанды және Солтүстік Қазақстан облыстарының прокуратуралары), «Батыс» ( Ақтөбе, Атырау, Маңғыстау, Батыс Қазақстан облыстарының прокуратуралары), «Шығыс» (Алматы, Павлодар және Шығыс Қазақстан облыстарының прокуратуралары) құрама командалары.