Президенттің бүгінгі отырыста қабылдаған шешімдерінің ешқандай саяси астары жоқ – Руслан Желдібай
2022 жылғы 7 шілде 17:33

Президенттің бүгінгі отырыста қабылдаған шешімдерінің ешқандай саяси астары жоқ – Руслан Желдібай

НҰР-СҰЛТАН. ҚазАқпарат - Бүгін Мемлекет басшысы еліміздің көлік-транзиттік әлеуетін дамыту жөнінде кеңес өткізді. Президенттің баспасөз хатшысы Руслан Желдібай әлеуметтік желідегі парақшасында осыған байланысты журналистер тарапынан сұрақтар түсіп жатқанын жазды, деп хабарлайды ҚазАқпарат.

«Бұл жерде, ең алдымен, геосаяси тұрақсыздық жағдайында Қазақстан көмірсутегін халықаралық нарықтарға жеткізу бағыттарын әртараптандыру туралы сөз болып отыр. Жиында жаңа көлік дәліздерін ашу мәселесі талқыланды. Бұл - бір күндік жұмыс емес, ұзақ мерзімді жоспар. Шын мәнінде, қабылданған шешімдердің ешқандай саяси астары жоқ», - деді Руслан Желдібай жазбасында.

Оның мәліметінше, Ресей біздің стратегиялық серіктесіміз әрі одақтасымыз болып қала береді.

«Оның мүддесіне нұқсан келтіретін қандай да бір іс-әрекеттерге жол берілмейді. Қазақстан тарапына қатысты да осындай әрекеттер жасалмайды деп үміттенеміз», - деген баспасөз хатшысы.


Фото: akorda.kz


Серіктестер жаңалықтары

Jańalyqtar

Үрдіс

MURAǴAT