Президенттік жастар кадр резервінің екінші кезеңі өте ме

НҰР-СҰЛТАН. ҚазАқпарат - Президенттік жастар кадр резервінің екінші кезеңін өткізу Мемлекет басшысының құзыретіне жатады. Бұл жайында интернет-конференция барысында келіп түскен сауалдарға жауап берген ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің төрағайымы Анар Жайылғанова айтты, деп хабарлайды ҚазАқпарат тілшісі.

«Жастар жылының аясында Мемлекет басшысының тапсармасына сәйкес Елімізде алғашқы рет Президенттік жастар кадр резервін қалыптастыру бойынша жұмыстар жүргізілуде. Іріктеу қағидалары Қазақстан Республикасы Президентінің 2019 жылғы 27 тамыздағы № 141 Жарлығымен бекітілген. Ұлттық комиссия кандидаттарды бес жыл мерзімге резервке алу туралы шешім шығарады. Жастар кадр резервін болашақта жасақтау Қазақстан Республикасы Президентінің құзыретінде екенін атап өтеміз», - деді Анар Жайылғанова.