USD 434.24 EUR 492.69
RUB 5.67 CNY 68.46
Jańalyqtar

Президенттік жастар кадр резервіне іріктеудің 5-ші кезеңі басталды

2021 жылғы 3 желтоқсан 19:55
Бөлісіңіз:
Президенттік жастар кадр резервіне іріктеудің 5-ші кезеңі басталды

НҰР-СҰЛТАН. ҚазАқпарат - Мемлекеттік қызмет істері агенттігі Президенттік жастар кадр резервіне іріктеудің бесінші кезеңі – Сарапшылық комиссияда әңгімелесу кезеңі басталды, деп хабарлайды ҚазАқпарат ведомствоның баспасөз хатшысы Ерхан Таткен-ге сілтеме жасап.

«Іріктеуге сұхбаттасу қорытындылары негізінде ең жақсы нәтиже көрсеткен 100 адам жіберілді. Әңгімелесу кезеңі 3-10 желтоқсан аралығында ҚР Мемлекеттік қызмет істері агенттігінде офлайн форматта өтеді. Комиссиясының мүшелеріне кандидаттардың терең сұхбатының нәтижелері бойынша қысқаша есептер ұсынылады», деп жазды Ерхан Таткен Facebook -тегі парақшасында.

Комиссия құрамына мемлекеттік органдар мен ҚР Президенті Әкімшілігінің құрылымдық бөлімшелерінің басшылары кірді. Комиссия отырысына байқаушылар ретінде қоғам және БАҚ өкілдері шақырылды.

«Сарапшылық комиссия отырысының қорытындысы бойынша 65 кандидаттан аспайтын тізім жасалады, олар Ұлттық комиссия отырысының қарауына ұсынылады. Іріктеу қорытындысы бойынша 50 кандидат резервке енгізіледі. Президенттік жастар кадр резервінің мақсаты - қоғамдық және мемлекеттік мүдделерді басшылыққа алатын жас таланттарды анықтау», - деді баспасөз хатшысы.



Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT