+7 (701) 759 90 19
USD 389.34 EUR 428.78
RUB 6.05 CNY 55.45
Jańalyqtar

Президенттік жастар кадр резерві: «Тестілеуді верификациялау» кезеңі қалай өтті

2019 жылғы 22 қазан 14:04
Бөлісіңіз:
Президенттік жастар кадр резерві: «Тестілеуді верификациялау» кезеңі қалай өтті

НҰР-СҰЛТАН. ҚазАқпарат - Президенттік жастар кадр резервіне үміткерлердің қабілетін тексеретін «Тестілеуді верификациялау» кезеңі аяқталды, деп хабарлайды ҚазАқпарат Мемлекеттік қызмет істері агенттігінің баспасөз қызметіне сілтеме жасап.

Ұқсас жаңалықтар
Президенттік жастар кадр резервіне іріктеу қалай өтуде – қатысушылардың пікірі Президенттің кадр резерві: Өзі туралы жалған ақпарат берген үміткер іріктеуден шығарылады Президенттің кадр резерві: жеңімпаздарға басымдық беріле ме

Тестілеу верификациясына қабілетті тестілеу қорытындысы бойынша ең жоғары балл жинаған 902 қатысушы жіберілді.

Бұл кезеңде вербалды және сандық тестілердің әрқайсысы 15 тапсырмадан тұрды. Үміткерлер тестілеуді онлайн-платформада өтті.

Іріктеуге қатысуға ел жастарымен қатар, шетелде жүрген Қазақстан Республикасының азаматтары жіберілді. Сағаттық белдеудегі айырмашылықты ескере отырып, сондай-ақ барлық іріктеуге қатысушылардың қолайлығы үшін тестілерді демалыс күндері тапсыру және ол үшін өз бетінше ең қолайлы уақыт аралығын белгілуге мүмкіндік берілді.

Тестілеуден өту кезінде қатысушылар белгілі бір шектеулерді сақтау бойынша өзіне міндеттеме алады, олардың ішінде:

- үміткердің өзге адамдарды қатыстырмай, тапсырмаларды өз бетінше орындауы;

- дыбыс және кескін сапалы болуы, үміткердің тіке қарап отыруын қамтамасыз етуі;

- бөгде адамдармен қандай да бір сөйлесуге тыйым салынуы;

- веб-камераны жабуға немесе өшіруге және микрофонды өшіруге тыйым салынуы;

- тестілеу кезінде өзге бағдарламалық өнімдерді, соның ішінде мессенджерлерді (whatsapp, telegram және т. б.) пайдалануға тыйым салынуы;

- тек стандартты калькуляторды пайдалану және басқа да бірқатар шарттар бар.

Қатысушыларға орнынан тұруға, соның ішінде бөгде адамдардан қандай да бір заттарды алуға немесе беруге тыйым салынды.

Үміткерлердің тестілеуден өтуінің бейне және аудио фиксациясы аса маңызды шарт болды, өйткені кезең алдыңғы қашықтықтан қабілеттілікті тестілеуден өтудің адалдығын қайта тексеруді көздейді. Ол үшін 50 білікті маман қатысушылардың видеоларын бірнеше рет тексерді, қатысушылар тарапынан бұзушылықтар анықталған кезде акт толтыру көзделген. Актілер негізінде тәртіп бұзушылар шеттетіледі.

Верификация нәтижелері бойынша 22 қазан - 3 қараша аралығында өтетін келесі «Әлеуетті бағалау» кезеңіне өту мүмкіндігі шектеулі уақыт жағдайында сандық және мәтіндік материалдарды талдау қабілетін анықтауға арналған тестілер қорытындысы бойынша ең жақсы балл жинаған қатысушыларға ұсынылады.

«Әлеуетті бағалау» кезеңі 3 құрамдас бөліктен тұрады: эссе жазу, жобаны ұсыну, құзыреттерді бағалау. Эссе жазу және жобаларды таныстыру видео және аудио тіркеудің көмегімен pkrezerv.kz автоматтандырылған жүйесінде онлайн жүзеге асырылады.

Естеріңізге сала кетейік, іріктеуге қатысу үшін тіркеу рәсімінен 13212 адам өтті, оның ішінде қыркүйек айының соңына дейін 7312 үміткер тіркеу рәсімін толық аяқтады.

«Қабілеттерді тестілеуге» 5745 үміткер қатысты, тестілеуді верификациялауға 902 үміткер жіберілді.

Қатысушылардың басым бөлігі елордадан – 1379 адам, Алматы және Шымкент қалаларынан тиісінше 493 және 380-ден, Ақтөбе облысынан - 289 адам. Басқа өңірлерден 100-200 қатысушы. Шетелдерден қатысушылар арасында Ресей, АҚШ, Ұлыбритания, Франция, Сингапур, БАӘ және Түркиядан қазақстандықтар бар.

Президенттік жастар кадр резервіне өткендер саяси және жоғары әкімшілік лауазымдарға, ұлттық холдингтар мен компаниялардың жоғары басқарушы лауазымдарына тағайындалуға мүмкіндік алады.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT