+7 (701) 759 90 19
USD 389.34 EUR 428.78
RUB 6.05 CNY 55.45
Jańalyqtar

Президент «Жыл волонтері» халықаралық сыйлығын тағайындауды ұсынды

2019 жылғы 21 мамыр 17:55
Бөлісіңіз:
Президент «Жыл волонтері» халықаралық сыйлығын тағайындауды ұсынды

ҚОСТАНАЙ. ҚазАқпарат - Қазақстан-Ресей жастарының халықаралық форумына қатысқан Қасым-Жомарт Тоқаев ерікті жастарға арнап сыйлық тағайындауды ұсынды, деп хабарлайды ҚазАқпарат.

Мемлекет басшысы Қазақстан мен Ресейдегі волонтерлер қозғалысының болашағы туралы айта келіп, ерікті жастарды қолдау шараларын көбейтуді ұсынды.

«Бүгін сіздерге, жас ұрпаққа бірнеше ұсыныс жасамақпын. Солардың бірі - волонтерлер қозғалысын дамыту. Біріншіден, ерікті жастарды кешенді түрде қолдау шараларын бекіту қажет. «Жыл волонтері» халықаралық сыйлығын тағайындауды ұсынамын. Бұл сыйақы екі елдің үздік волонтерлік жобаларына тапсырылады. Осы арқылы олардың белсенділігін арттыруға жағдай жасаймыз», - деді Қасым-Жомарт Тоқаев өз сөзінде.

Сонымен бірге, ҚР Президенті волонтерлер кеңесін құруды ұсынды. Айтуынша, бұл Қазақстан мен Ресей арасындағы ынтымақтастықты одан әрі дамытуға үлес қосады.

Форумды қорытындылаған Мемлекет басшысы жастарды ел басқару саласына жақындатудың маңызына тоқталды.

«Жас ұрпақтың еңбекқор, креативті, алдына мақсат қоя білетін қасиеттерін жоғары бағалаймын. Қазақстанның болашағы үшін алаңдамауға болады. Жастар ел басқару саласында айрықша рөл атқаруы тиіс. Сондықтан, біз, аға буын, оларды мемлекет басқару тетіктеріне осы бастан үйретуге міндеттіміз. Ал, жастар, сіздер де осыған лайықты болыңыздар!» - деді Қ.Тоқаев.

Бүгін Мемлекет басшысы Қасым-Жомарт Тоқаев Қостанайға жұмыс сапары барысында халықаралық жастар форумына қатысты.

Біздің каналымызға жазылыңыз:

Бөлісіңіз:

Автор:

Қасқырбай Қойшыманов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT