Президент Жастар жылында науқаншылдыққа, көзбояушылыққа жол бермеуді тапсырды

АҚТАУ. ҚазАқпарат - Мемлекет басшысы Қасым-Жомарт Тоқаев Маңғыстауға сапары барысында жұртшылықпен кездесті, деп хабарлайды ҚазАқпарат Ақорданың Твиттердегі парақшасына сілтеме жасап.

Кездесу барысында ҚР Президенті Қасым-Жомарт Тоқаев:

«Мен жас ұрпақты қолдау болашақты қорғау деп білемін. Биыл «Жастар - ел тірегі» арнаулы әлеуметтік жобасы іске қосылды. Жастар жылында науқаншылдыққа, көзбояушылыққа жол беруге болмайды!», - деп қатаң тапсырды.