Президент Ұлттық банк төрағасын қабылдады
2023 жылғы 1 ақпан, 12:55
АСТАНА. ҚазАқпарат - Президент Ұлттық банк төрағасы Ғалымжан Пірматовты қабылдады, деп хабарлайды ҚазАқпарат.
Мемлекет басшысына Ұлттық банктің биыл қаңтарда жүзеге асырған ақша-кредит саясатының қорытындысы туралы есеп берілді.
Ғалымжан Пірматов Қазақстан экономикасының қазіргі ахуалы, іскерлік белсенділік, инфляция факторлары мен оны төмендету үшін қабылданып жатқан шаралар жөнінде мәлімет берді. Сондай-ақ БЖЗҚ, Ұлттық қор және алтын-валюта резервтерінің жай-күйі туралы баяндады.
Қасым-Жомарт Тоқаев ақша-кредит саясатын тиімді іске асырудың және валюта нарығын одан әрі жетілдірудің маңыздылығын атап өтті.
Фото: akorda.kz
Сондай-ақ... оқыңыз
Серіктестер жаңалықтары
