+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Президент тиімсіз кәсіпорындарға мемлекеттік қолдауды доғару керектігін айтты

2017 жылғы 4 қыркүйек 14:25
Бөлісіңіз:
Президент  тиімсіз кәсіпорындарға мемлекеттік қолдауды доғару керектігін айтты

АСТАНА. ҚазАқпарат - Бүгін алтыншы сайланған ҚР Парламентінің үшінші сессиясын ашу барысында сөз сөйлеген Президент Нұрсұлтан Назарбаев тиімді емес жеке кәсіпорындарға мемлекеттік қолдау жасауды доғару керектігін айтты, деп хабарлайды ҚазАқпарат.

«Жолдауда қаржыны нақты экономикаға дейін жеткізу мақсаты қойылды. Квазимемлекеттік секторда сыртқы әрі ішкі займдар үшін тыңғылықты мониторинг пен қадағалау қажет. Бізде екі қарыз бар, біріншіден, яғни мемлекет жауапкершілігіндегі үлесі төмен мемлекеттік қарыз. Ал квазимемлекеттік сектордың қарызы екінші мәселе. Осы орайда бұл бізге қатысты емес деп пайымдаудың реті жоқ. Уақыт өте келе бұл мәселе бізге қатысты болуы мүмкін. Сондықтан осы бағыттағы шаралармен қазір айналысу керек», - деді Елбасы Парламент палаталарының бірлескен отырысында.

Бұл тұрғыда Президент ауыл шаруашылығы саласындағы жағдайға тоқталды.

«Қарызға ала бергендіктен, қазір тығырыққа тірелді. Не істеу керек? Банкротқа шығару қажет. Қорқатын түк те жоқ. Америкада бір миллион фермер банкрот болса, бір миллионы құрылады. Жақында Астана форумында осы тұрғыда мысал келтірген болатын. Мәселен, Вашингтонда 1 500 мейрамхана банкротқа тап болып, қайтадан құрылады», - деді Н. Назарбаев.

Мемлекет басшысы осындай жағдай екінші деңгейлі банктерге де қатысты екенін, оларды тағы да мемлекет қаржыландыруға алғанын атап өтті.

«Мұны тоқтату керек, ең дұрысы бұл банктердің жұмысын тоқтатып, оларға төлегенді доғарған жөн. Өзі жұмыс істеп, пайда тауып отырған жекеменшіктерді біз не үшін субсидиялауға тиіспіз? Қазір басқа жүйе. Барлығы да егер сен жекеменшік болсаң, толықтай өзің жауап беретіндігін түсіну қажет. Банкрот па - онда банкрот, тиімді жұмыс істей алмайсың деген сөз. Дәл осы жолға түсейік. Өйткені бізде басқа жол жоқ», - деді Нұрсұлтан Назарбаев.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT