Президент: Тәуелсіздік жылнамасының үшінші онжылдығы оңай болмайтындығы қазірдің өзінде айқын

НҰР-СҰЛТАН. ҚазАқпарат – Тәуелсіздік жылнамасының үшінші онжылдығы оңай болмайтындығы қазірдің өзінде айқын. Бұл туралы Мемлекет басшысы Қасым-Жомарт Тоқаев Қазақстан халқына Жолдауы барысында айтты, деп хабарлайды ҚазАқпарат тілшісі.

«Біз тұғыры мығым ел болу жолында кедергілерді еңсеріп, қиындықтарды жеңіп келеміз. Мұның бәріне берекелі бірлік пен еселі еңбек арқылы жеттік. Еліміз тәуелсіздік жылнамасының үшінші онжылдығына қадам басқалы тұр. Бұл кезеңнің оңай болмайтындығы қазірдің өзінде айқын байқалуда. Кез келген сын-қатерге дайын болуға тиіспіз. Тынымсыз ізденіп, ұдайы алға ұмтылуымыз қажет», - деді Мемлекет басшысы.

Айта кетейік, қазіргі уақытта Мемлекет басшысы 7-ші шақырылымдағы ҚР Парламентінің 2-ші сессиясын ашып, Қазақстан халқына кезекті Жолдауын жариялап жатыр.