17:04, 07 Қаңтар 2022 | GMT +6
Президент тапсырмасымен ұялы байланыс абоненттеріне 300 минут тегін беріледі
НҰР-СҰЛТАН. ҚазАқпарат – Елімізде ұялы байланыс абоненттеріне 300 минут тегін беріледі, деп хабарлайды ҚазАқпарат тілшісі.
«Мемлекет басшысы Қасым-Жомарт Тоқаевтың тапсырмасына сәйкес байланыс операторларынан әр абонентке 200 SMS/300 минут тегін беріледі», - делінген Ақорданың SMS арқылы таратқан ақпаратында.
Айта кетейік, кеше Ақорда SMS арқылы хабар алу қызметін іске қосқан еді . Алғашқы хабарлама экстремистерден зардап шеккен кәсіпкерлерге көмек көрсетілетіндігі туралы болды.
«Құрметті кәсіпкерлер! мемлекет экстремистердің іс-әрекеті салдарынан зардап шеккен шағын және орта бизнес субъектілеріне көмектеседі» делінген хабарламада.